រាជធានីភ្នំពេញ ៖ កាលពីវេលាម៉ោង៨ព្រឹក ថ្ងៃទី២៧ មេសា ២០១៥ នេះ ស្ថិតនៅអគ្គនាយកដ្ឋានទូរគមនាគមន៍កម្ពុជា អគារលេខ៩៥ និង៩៧ ផ្លូវលេខ១០៥ កែងផ្លូវ២៧៤ ភូមិ១ សង្កាត់បឹងព្រលឹត ខណ្ឌ៧មករា មានបុគ្គលិកចំនួន៤នាក់ បានឈរកាន់បដា១ផ្ទាំង ដែលមានខ្លឹមសារថា ៖
១- ហេតុអ្វីបានជាផ្ទេរលោកអ៊ុង ពិសិទ្ធ ទៅខេត្តព្រៃវែង
២- ហេតុអ្វីបានផ្ទេរលោកអ៊ុង ពិសិទ្ធម្តងហើយម្តងទៀត
៣- ការផ្ទេរនេះ ជាការរំលោភសិទ្ធិច្បាប់ការងារ
៤- ស្នើសុំនិរាករណ៍លិខិតបង្គាប់លេខ៧៥៨ ទ.ក ដើម្បីទាមទារតវ៉ាកុំឱ្យលោកអគ្គនាយកឈ្មោះឡាយ ម៉ារីវ៉ូ ធ្វើការផ្លាស់ប្តូរភារកិច្ចលោកអ៊ុង ពិសិទ្ធ ប្រធានការិយាល័យគណនេយ្យ ទៅបម្រើការនៅមន្ទីរទូរគមនាគមន៍ខេត្តព្រៃវែង ។
ប្រភពបានឱ្យដឹងថា ហើយការគាំទ្រលោកអ៊ុង ពិសិទ្ធ នេះ គឺមានប្រពន្ធរបស់លោកឈ្មោះកែវ វល័ក្ខ, ឈ្មោះទឹម ច័ន្ធរិទ្ធ ភេទប្រុស
ប្រធានមជ្ឈមណ្ឌលបណ្តាញ OSP និងលោកស្រីកង នាង ជំនួយការនាយកដ្ឋានបច្ចេកទេស ។
ប្រភពបន្តថា បុគ្គលិកទាំង៤នាក់ បាននាំគ្នារំសាយវិញ នៅវេលាម៉ោង៩ និង៤០នាទី ព្រឹកថ្ងៃដដែល ដោយពុំមានបាតុភាពអ្វីនោះទេ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ