រាជធានីភ្នំពេញ ៖ ព្រះចៅអធិការវត្ដសំរោងអណ្ដែត និងជាអនុគណខណ្ឌសែនសុខ ព្រះនាយកពុទ្ធិកវិទ្យាល័យរត្ន័ សារឿន បានឧបត្ថម្ភអំណោយជាគ្រឿងឧបភោគ បរិភោគ និងថវិកា ជូនដល់កាកបាទក្រហមខណ្ឌសែនសុខ ដើម្បីនាំយក
រាជធានីភ្នំពេញ ៖ ព្រះចៅអធិការវត្ដសំរោងអណ្ដែត និងជាអនុគណខណ្ឌសែនសុខ ព្រះនាយកពុទ្ធិកវិទ្យាល័យរត្ន័ សារឿន បានឧបត្ថម្ភអំណោយជាគ្រឿងឧបភោគ បរិភោគ និងថវិកា ជូនដល់កាកបាទក្រហមខណ្ឌសែនសុខ ដើម្បីនាំយកទៅចែកជូនបន្ដដល់ជនរងគ្រោះនៅកម្ពុជាដែលត្រូវការជំនួយជាចាំបាច់នោះ ។
ពិធីប្រគល់ និងទទួលអំណោយនេះ បានធ្វើឡើងកាលពីរសៀលថ្ងៃទី២៤ មេសា ២០១៥ ក្រោមការចូលរួមពីលោកលី សាវេត អភិបាលខណ្ឌសែនសុខ និងជាអនុសាខាកាកបាទក្រហម និងមន្ដ្រីក្រោមឱវាទផងដែរ ។ លោកលី សាវេតអភិបាលខណ្ឌសែនសុខ និងជាអនុសាខាកាកបាទក្រហម បានថ្លែងអំណរគុណចំពោះព្រះតេជគុណ ជាចៅអធិការវត្ដសំរោងអណ្ដែត និងព្រះសង្ឃ ដែលបាននាំយកអំណោយ និងថវិកាបានមកពីការបរិច្ចាគរបស់សប្បុរសជននានា ក៏ដូចជា ពុទ្ធបរិស័ទ្ធចំណុះជើងវត្ដមកប្រគល់ជូនកាកបាទក្រហម។
ជាមួយនេះលោកអភិបាលនឹងយកអំណោយទាំងនេះទៅប្រគល់ជូនប្រជាពលរដ្ឋដែលរងគ្រោះ និងជួបប្រទះភាពខ្វះខាត។ អំណោយសទ្ធាជ្រះថ្លារបស់ព្រះចៅអធិការ វត្ដសំរោងអណ្ដែត ប្រគល់ជូនកាកបាទក្រហមខណ្ឌសែនសុខ ខាងលើនេះ រួមមានទឹកដោះគោ១.០០០កំប៉ុង ស្ករស ១.០០០កញ្ចប់ ត្រីខ ១០០កំប៉ុង មី៥០កេស អង្ករ៣តោន ទឹកក្រូច៥០កេស និងថវិកាចំនួន៥លានរៀល ដែលសរុបថវិកា ចំនួន២០លានរៀល៕
ចែករំលែកព័តមាននេះ