រាជធាភ្នំពេញ៖ រាជរដ្ឋាភិបាលកម្ពុជាបានសម្រេច និងតែងតាំង លោកគឹម សេតារា ជាប្រធានអាជ្ញាធរជាតិព្រះវិហារ បន្តវេនពីលោក ជុច ភឿន ដែលត្រូវតែងតាំងជាប្រធានកិត្តិយស និងត្រូវត្រៀមទទួលភារកិច្ចថ្មីកាលពីរសៀលថ្ងៃទី២៤
រាជធាភ្នំពេញ៖ រាជរដ្ឋាភិបាលកម្ពុជាបានសម្រេច និងតែងតាំង លោកគឹម សេតារា ជាប្រធានអាជ្ញាធរជាតិព្រះវិហារ បន្តវេនពីលោក ជុច ភឿន ដែលត្រូវតែងតាំងជាប្រធានកិត្តិយស និងត្រូវត្រៀមទទួលភារកិច្ចថ្មីកាលពីរសៀលថ្ងៃទី២៤ មេសា ២០១៥ ក្រោមអធិបតីភាពលោក បណ្ឌិតសភាចារ្យ សុខ អាន ឧបនាយករដ្ឋមន្ត្រីរដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី ។
នៅក្នុងឱកាសនោះលោក ជុច ភឿន ក៏បានឡើងបង្ហាញអំពីលទ្ធផលការងារសំខាន់ៗមួយចំនួនដែលអាជ្ញាធរជាតិព្រះវិហារសម្រេចបាននៅក្នុងអំឡុងពេលដែលលោកជាប្រធានអាជ្ញាធរជាតិព្រះវិហារចាប់ពីថ្ងៃទី១ មិថុនា ២០១០ រហូតមកទល់នឹងពេលនេះ ដោយក្នុងនោះរួមមានឯកសារគតិយុត្តិ កិច្ចការអភិរក្ស និងការងារអភិវឌ្ឍន៍ជាដើម។
ទន្ទឹមនឹងនោះលោកសង្ឃឹមថា ថ្នាក់ដឹកនាំ និងគណៈគ្រប់គ្រងថ្មីដែលទទួលបានការតែងតាំងពីរាជរដ្ឋាភិបាលនឹងបន្តដឹកនាំអាជ្ញាធរជាតិព្រះវិហារឲ្យទទួលបានជោគជ័យថ្មីៗបន្ថែមទៀត។ លោក គឹម សេតារា បានថ្លែងអំណរគុណលោកបណ្ឌិតសភាចារ្យ សុខ អាន និងសមាជិកក្រុមប្រឹក្សាភិបាលអាជ្ញាធរជាតិព្រះវិហារទាំងអស់ដែលបានអនុម័តគាំទ្របេក្ខភាពរូបលោកជាប្រធាន និងលោក គង់ ពុទ្ធិការ ជាអគ្គនាយកនៅក្នុងសម័យប្រជុំក្រុមប្រឹក្សាភិបាលកាលពីថ្ងៃទី២៧មីនា២០១៥ កន្លងទៅ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ