ដោយមានការណែនាំជាប្រចាំ និងយកចិត្តទុកដាក់ខ្ពស់របស់លោកឧបនាយករដ្ឋមន្ត្រី ហោ ណាំហុង រដ្ឋមន្ត្រីការបរទេស និងសហប្រតិបត្តិការអន្តរជាតិ ស្ថានទូតកម្ពុជា ប្រចាំប្រទេសឥណ្ឌូនេស៊ី បានសហការជាមួយអាជ្ញាធរឥណ្ឌូនេស៊ី
ដោយមានការណែនាំជាប្រចាំ និងយកចិត្តទុកដាក់ខ្ពស់របស់លោកឧបនាយករដ្ឋមន្ត្រី ហោ ណាំហុង រដ្ឋមន្ត្រីការបរទេស និងសហប្រតិបត្តិការអន្តរជាតិ ស្ថានទូតកម្ពុជា ប្រចាំប្រទេសឥណ្ឌូនេស៊ី បានសហការជាមួយអាជ្ញាធរឥណ្ឌូនេស៊ី ជួយសង្គ្រោះពលករខ្មែរចំនួន៥៨នាក់ ដែលរងគ្រោះដោយការជួញដូរយកទៅធ្វើការដោយខុសច្បាប់លើទូកនេសាទក្នុងដែនទឹកប្រទេសឥណ្ឌូនេស៊ី ។
ស្ថានទូតបានសហការយ៉ាងជិតស្និទ្ធជាមួយអង្គការទេសន្តរប្រវេសន៍អន្តរជាតិ (IOM) ដើម្បីធ្វើមាតុភូមិនិវត្តន៍ពលករខ្មែររងគ្រោះទាំង៥៨នាក់នេះមកកម្ពុជាវិញ នាពេលឆាប់ៗខាងមុខនេះ។
ដោយឡែក ចំពោះព័ត៌មានដែលថា មានពលករខ្មែររងគ្រោះចំនួន៣៦នាក់ទៀត កំពុងស្ថិតក្នុងប្រទេសឥណ្ឌូនេស៊ីដែរនោះ ស្ថានទូតយើងបានសហការជាមួយអាជ្ញាធរឥណ្ឌូនេស៊ី និងអង្គការទេសន្តរប្រវេសន៍អន្តរជាតិ (IOM) ដើម្បីស្រាវជ្រាវរកការពិត។ ក្នុងករណីបើមានពិតមែន ស្ថានទូត នឹងបន្តសហការជាមួយអង្គការទេសន្តរប្រវេសន៍អន្តរជាតិ (IOM) ដើម្បីធ្វើមាតុភូមិនិវត្តន៍ពលករខ្មែររងគ្រោះទាំងនោះមកកម្ពុជាវិញជាបន្តបន្ទាប់ទៀត៕
ប្រភព៖ លោកកុយ គួង អ្នកនាំពាក្យក្រសួងការបរទេស និងសហប្រតិបត្តិការអន្តរជាតិ
ចែករំលែកព័តមាននេះ