នៅទីក្រុងគូឡាឡាំពួរ ប្រទេសម៉ាឡេស៊ី ជាទីកន្លែងនៃការស្នាក់អាស្រ័យបំពេញទស្សនកិច្ចការងារ អញ្ជើញចូលរួមកិច្ចប្រជុំកំពូលអាស៊ានលើកទី២៦ នៅរសៀលថ្ងៃទី២៥ មេសា ម្សិលមិញមុនមួយថ្ងៃនៃពិធីបើកកិច្ចប្រជុំកំពូលអាស៊ានលើកទី
នៅទីក្រុងគូឡាឡាំពួរ ប្រទេសម៉ាឡេស៊ី ជាទីកន្លែងនៃការស្នាក់អាស្រ័យបំពេញទស្សនកិច្ចការងារ អញ្ជើញចូលរួមកិច្ចប្រជុំកំពូលអាស៊ានលើកទី២៦ នៅរសៀលថ្ងៃទី២៥ មេសា ម្សិលមិញមុនមួយថ្ងៃនៃពិធីបើកកិច្ចប្រជុំកំពូលអាស៊ានលើកទី២៦ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងលោកសម រង្ស៊ី ប្រធានក្រុមភាគតិចក្នុងសភា អញ្ជើញជួបសំណេះសំណាលជាមួយបងប្អូនប្រជាពលរដ្ឋ កម្មករ កម្មការិនី និងនិស្សិតកម្ពុជាចំនួន២៩០នាក់ដែលកំពុងស្នាក់នៅបំពេញការងារ និងសិក្សានៅប្រទេសម៉ាឡេស៊ី។
ក្នុងពិធីជួបជុំសំណេះសំណាលតាមបែបវប្បធម៌សន្ទនាដែលធ្វើឡើងនៅសណ្ឋាគារក្នុងទីក្រុងគូឡាឡាំពួរ ក៏មានការអញ្ជើញចូលរួមពីសំណាក់ឯកឧត្តម លោកជំទាវជាឥស្សរជនជាន់ខ្ពស់តំណាងស្ថាប័នរដ្ឋសភា និងរាជរដ្ឋាភិបាលកម្ពុជាច្រើនរូប។
ថ្លែងក្នុងពិធីសណេះសំណាលតាមបែបវប្បធម៌សន្ទនាគ្នានោះ លោកសម រង្ស៊ី និងសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាអញ្ជើញមានប្រសាសន៍សំណេះសំណាលរួមគ្នា ដោយបានបង្ហាញជូនដល់បងប្អូនប្រជាពលរដ្ឋ កម្មករ កម្មការិនី និងនិស្សិតទាំងអស់ដែលកំពុងរស់នៅក្រៅប្រទេស ពិសេសបញ្ជាក់ជូនដល់សាធារណមតិអន្តរជាតិថា ការជួបជុំគ្នានៅថ្ងៃនេះ គឺកើតចេញពីការដាក់ចេញនូវវប្បធម៌សន្ទនាគ្នាដែលបង្កើតឡើងដោយសម្តេចតេជោ និងលោកសម រង្ស៊ី ។
សម្តេចតេជោ មានប្រសាសន៍សង្កត់ធ្ងន់ថា លទ្ធផលនៃការបង្កើតឡើងនូវវប្បធម៌សន្ទនានេះ គឺជាជំហានថ្មីមួយទៀតដែលជនជាតិកម្ពុជាខ្លួនឯងផ្ទាល់ជាអ្នកបង្កើតឡើង បន្ទាប់ពីការដាក់ចេញនូវនយោបាយឈ្នះ ឈ្នះ មកនោះ ។ សម្តេចតេជោនាយករដ្ឋមន្ត្រីមានប្រសាសន៍បន្តថា នេះគឺជាបទពិសោធន៍ថ្មីមួយទៀតរបស់កម្ពុជាដើម្បីឱ្យអន្តរជាតិមើលឃើញ ហើយក៏មិនមានប្រទេសណាមួយអាចធ្វើបានដូចជាកម្ពុជាយើងបានដែរ។
ការបង្កើតឡើងនូវវប្បធម៌សន្ទនាគារនេះត្រូវបានលោក សម រង្ស៊ី មានប្រសាសន៍ឱ្យដឹងដែរថា មិនយូរ មិនឆាប់កម្ពុជានឹងទទួលបាននូវភាពរីកចំរើនតាមរយៈផ្លែផ្កានៃវប្បធម៌សន្ទនាគ្នានេះ ដែលអ្នកនយោបាយលែងហែកហួរគ្នា និងនាំគ្នាងាកមកនិយាយគ្នាពីអ្វីដែលជាការស្ថាបនាជាតិ និងការរីកចំរើនរបស់ប្រជាជនកម្ពុជាទាំងអស់។
នៅក្នុងកិច្ចសន្ទនាគ្នានោះដែរ ក៏បានបើកឡើងនូវវេទិកាឆ្លើយឆ្លងគ្នាពីសំណាក់បងប្អូនប្រជាពលរដ្ឋ កម្មករ កម្មការិនី និងនិស្សិតដែលកំពុងស្នាក់នៅ និងបន្តការសិក្សាក្នុងប្រទេសម៉ាឡេស៊ី បិសេសទាក់ទិនទៅនឹងបញ្ហានៃការរស់នៅបំពេញការងារ និងការសិក្សាក្នុងប្រទេសម៉ាឡេស៊ី ហើយត្រូវបានសម្តេចតេជោនាយករដ្ឋមន្ត្រីមានប្រសាសន៍លើកឡើងដោយផ្តល់នូវភាពវិជ្ជមាន និងពន្លឺថ្មីៗដល់បងប្អូនប្រជាពលរដ្ឋ កម្មករ កម្មការិនី និងនិស្សិតកម្ពុជាក្នុងក្របខណ្ឌបទដ្ឋានច្បាប់របស់កម្ពុជា និងកិច្ចសហប្រតិបត្តិការល្អនៃប្រទេសកម្ពុជា និងម៉ាឡេស៊ី ៕
ចែករំលែកព័តមាននេះ