រាជធានីភ្នំពេញ ៖ ក្នុងបរិវេណវត្តសំរោងអណ្តែត នាវេលាម៉ោង០៥ល្ងាចថ្ងៃទី២៤ មេសា ២០១៥ នេះ មានរៀបចំពិធីចែកអំណោយ របស់ព្រះសាក្យវង្ស កិត្តិបណ្ឌិត រ័ត្ន សារឿន វិរិយធម្មោ ព្រះគ្រូមហាសុខុមោ ព្រះអនុគណៈខណ្ឌសែនសុខ និងជាព្រះចៅអធិការវត្តសំរោងអណ្តែត បានឧបត្ថម្ភជាសម្ភារ និងថវិកាដល់សាខាកាកបាទក្រហមខណ្ឌសែនសុខ ក្រោមអធិបតីភាពលោកលី សាវ៉េត អភិបានខណ្ឌសែនសុខ ព្រមទាំងការអញ្ជើញចូលរួមពីប្រធានក្រុមប្រឹក្សាខណ្ឌ និងអភិបាលរង, មន្ត្រីក្រោមឱវាទសរុបជាង៥០នាក់ផងដែរ ។
អំណោយដែលត្រូវចែកជូនសាខាកាកបាទក្រហមមាន ទឹកដោះគោ១,០០០កំប៉ុង, ស្ករ.ស១,០០០កញ្ចប់, ត្រីខ១០០កំប៉ុង, មី៥០កេស, អង្ករ៣តោន, ទឹកក្រូច៥០កេស និងថវិកា/បច្ច័យ ចំនួន៥,០០០.០០០រៀល (ប្រាំលានរៀល) ក្នុងនោះក៏មានចែកជូនដល់មន្ត្រីតាមលំដាប់លំដោយផងដែរ ។
ចែករំលែកព័តមាននេះ