ខេត្តក្រចេះ ៖ ស្នងការដ្ឋាននគរបាលខេត្តក្រចេះបានប្រើប្រាស់រថយន្តពន្លត់អគ្គិភ័យចំនួន២គ្រឿង ដើម្បីជួយបាញ់ពន្លត់ក្នុងហេតុការណ៍ផ្ទុះធុងហ្គាសនៅអាហារដ្ឋានមួយមួយកន្លែងកណ្តាលក្រុងក្រចេះ បណ្តាលឱ្យមនុស្ស៤នាក់រងរបួសធ្ងន់ កាលពីវេលាព្រឹកថ្ងៃទី២៤ មេសា ២០១៥ ។
ប្រភពបានឱ្យដឹងថា ជនរងគ្រោះទាំង៤នាក់ ១-ឈ្មោះសុខ ខេង អាយុ៣៦ឆ្នាំ ជាមេចុងភៅ ២-ឈ្មោះអូន ទូច អាយុ២០ឆ្នាំ ៣-ឈ្មោះពេជ្រ សំណាង អាយុ១៣ឆ្នាំ និង៤-ឈ្មោះវង្ស មករា អាយុ២៩ឆ្នាំ ។
ប្រភពបន្តថា ជនរងគ្រោះទាំង៤នាក់ ក្នុងនោះមានមេចុងភៅ និងកូនម្ចាស់ហាងបានរងរបួស ដោយត្រូវភ្លើងឆាបឆេះលើរាងកាយ ហើយត្រូវបានដឹកទៅសង្គ្រោះទាន់ពេល ។ ចំណែកសម្ភារប្រើប្រាស់មួយចំនួនធំក្នុងផ្ទះបាយ ត្រូវបានភ្លើងឆេះអស់ ដែលដំបូងគឺបង្កឡើងដោយការឆេះទុយោបំពង់ហ្គាស ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ