ប្រកាសអាសន្ននៅស៊ីលីក្រោយការផ្ទុះភ្នំភ្លើងមួយ
រដ្ឋាភិបាលស៊ីលី កាលពីថ្ងៃទី២២ មេសា បានចេញការប្រកាសអាសន្នក្រោយការផ្ទុះភ្នំភ្លើង Calbuco ស្ថិតនៅភាគខាងត្បូងប្រទេសមក ។
ការប្រកាសអាសន្ននេះ ទាក់ទិនដល់ទីក្រុង
រដ្ឋាភិបាលស៊ីលី កាលពីថ្ងៃទី២២ មេសា បានចេញការប្រកាសអាសន្នក្រោយការផ្ទុះភ្នំភ្លើង Calbuco ស្ថិតនៅភាគខាងត្បូងប្រទេសមក ។
ការប្រកាសអាសន្ននេះ ទាក់ទិនដល់ទីក្រុង Puerto Monit និងទីក្រុង Puerto Varas ស្ថិតក្នុងតំបន់ Los Logos ចម្ងាយប្រមាណជា១.៣០០គីឡូម៉ែត្រ ខាងត្បូងរដ្ឋធានីសាន់ទីយ៉ាហ្គោ ។ ម្យ៉ាងទៀត អាជ្ញាធរបានសម្រេចដាក់តំបន់នៅក្បែរភ្នំភ្លើងនេះ ស្ថិតក្នុងស្ថានភាពគ្រោះមហន្តរាយ រួចកងទ័ពនឹងត្រួតត្រាតំបន់ទាំងនោះជាបណ្តោះអាសន្ន ។
ការជម្លៀសមនុស្សចេញត្រូវបានជំរុញនៅតំបន់ Ensenada ដែលមានមនុស្សរស់នៅជាង១.៥០០នាក់ ។ ការជម្លៀសមនុស្សចេញនាប៉ុន្មានម៉ោងខាងមុខទៀតអាចធ្វើតាមបណ្តាទីក្រុង នៅជាប់ជិតខាងដែលនោះនឹងជាការជម្លៀសមនុស្សចេញជាច្រើនពាន់នាក់ ។ សាលារៀនទាំងឡាយត្រូវបិទទ្វារក្នុងតំបន់ក្បែរភ្នំភ្លើង រួចការហោះហើរចេញចូលតំបន់នេះរបស់បណ្តាយន្តហោះក៏ផ្អាកដែរ ។
ការផ្ទុះភ្នំភ្លើង Calbuco ចាប់ផ្តើមនាវេលាម៉ោង១៨ ម៉ោងក្នុងស្រុក ជាការផ្ទុះគួរឱ្យភ្ញាក់ផ្អើល ព្រោះពុំមានសញ្ញាណាមួយគួរឱ្យកត់សម្គាល់សោះ រយៈពេលប៉ុន្មានថ្ងៃចុងក្រោយនេះ ។ ភ្នំភ្លើងនោះបានបញ្ចេញផ្សែង និងផេះរហូតដល់កម្ពស់១០គីឡូម៉ែត្រ ឬលើសពីនេះ ។ គ្រោះថ្នាក់ គឺការធ្លាក់ផេះយ៉ាងច្រើន អាចបំពុលទឹកស្ទឹងជិតខាងទាំងឡាយ ។
រូបភាពនានាផ្សាយបន្តផ្ទាល់តាមទូរទស្សន៍ បង្ហាញពីផ្សែងពណ៌សយ៉ាងក្រាស់ ហុយទៅលើអាកាសពីលើភ្នំភ្លើងនោះ ដែលស្ថិតនៅជិតឆ្នេរសមុទ្រ ។ ភ្នំភ្លើង Calbuco មានកម្ពស់២.០០៣ម៉ែត្រ ពុំដែលឃើញផ្ទុះចាប់តាំងពី៤៣ឆ្នាំមកហើយ ៕
ចែករំលែកព័តមាននេះ