ខេត្តសៀមរាប ៖ កាលពីរសៀលថ្ងៃទី២០ មេសា ឆ្នាំ២០១៥ នៅវត្តព្រះឥន្ទកោសា លោកស្រីកន្ថា រ៉ាវីន ប្រធានមូលនិធិងិនការ៉េត សម្រាប់កម្ពុជា និងសាលារចនាវិចិត្រសិល្បៈសម្តេចព្រះរៀមបុប្ផាទេវីឈូកសបន្ទាយស្រី ដែលមានសម្តេចព្រះរៀមបុប្ផា ទេវី ជាព្រះប្រធានកិត្តិយស បានរៀបចំឱ្យក្រុមសិល្បៈអង្គរសក្តិសិទ្ធិសម្តែងយីកេរឿង «ទុំទាវ» ដើម្បីឱ្យមហាជនក្នុងក្រុងសៀមរាបបានទស្សនា និងជួយលើកស្ទួយវិស័យសិល្បៈបុរាណខ្មែរ ។
ភ្ញៀវកិត្តិយសចូលរួមក្នុងឱកាសនោះមាន លោកស្រីអាន លឺមេត ប្រធានអង្គការយូណេស្កូប្រចាំកម្ពុជា ព្រមទាំងមន្ត្រីសង្ឃ និងពុទ្ធបរិស័ទចំណុះជើងវត្តភ្ញៀវជាតិ និងអន្តរជាតិច្រើនកុះករ ។
លោកស្រីកន្ថា រ៉ាវីន មានប្រសាសន៍ថា ការរៀបចំសម្តែងយីកេរឿង «ទុំទាវ» សម្រាប់សិល្បករ-សិល្បការិនីបានបញ្ចេញទេពកោសល្យ និងដើម្បីមហាជននៅក្រុងសៀមរាបបានទស្សនាកម្សាន្តផង ។ ការសម្តែងយីកេរឿង ទុំទាវនេះ ព្រះចៅអធិការវត្តបានជួយផ្សព្វផ្សាយនិងប្រមូលពុទ្ធបរិស័ទចូលរួមទស្សនាដើម្បីលើកស្ទួយវិស័យសិល្បៈបុរាណខ្មែរ ៕
ចែករំលែកព័តមាននេះ