ពោងខ្យល់ការពារសុវត្ថិភាពរបស់រថយន្តត្រូវបានរចនាទ្បើង ដើម្បីការពារអ្នកបើកបរនិងបង្ការកុំឱ្យមានរបួសក្នុងព្រឹត្តិការណ៍គ្រោះថ្នាក់បុកទង្គិចធ្ងន់ធ្ងរណាមួយ ។
ខាងក្រោមនេះគឺជាសេចក្តីណែនាំអំពីដំណើរនៃការបំផ្ទុះចេញរបស់ពោងសុវត្ថិភាព ដើម្បីសង្គ្រោះអ្នកជិះក្នុងរថយន្ត៖
ក/ការបុកទង្គិចក្នុងអត្រាល្បឿនលឿន
លទ្ធភាពដែលអាចឱ្យពោងខ្យល់បំផ្ទុះចេញមកសង្គ្រោះបានវាលែងតែរថយន្តជួបឧប្បត្តិហេតុគ្រោះថ្នាក់បុក ឬប៉ះទង្គិចធ្ងន់ធ្ងរ ។ ក្នុងនោះមានដូចជា កម្រិតល្បឿនបើកបរ១៩គីទ្បូម៉ែត្រ ទៅ២៤គីទ្បូម៉ែត្រក្នុងមួយម៉ោង ខណៈរថយន្តបុកប៉ះនិងវត្ថុរឹង ឬក៏៤០គីទ្បូម៉ែត្រក្នុងមួយម៉ោង រថយន្តបុកប៉ះជាមួយរថយន្តដទៃ ទើបពោងខ្យល់អាចផ្ទុះចេញមកបាន ។
ខ/ទីតាំងឧបករណ៍ផ្តល់ដំណឹងជាមុន (សិនស័រ)
រថយន្តដែលមានពោងខ្យល់មិនទាន់ខូចនៅប្រើប្រាស់បានមានឧបករណ៍សិនស័រប្រាប់ពីគ្រោះថ្នាក់បុកទង្គិចចន្លោះពី១ទៅ៣គ្រឿង ហើយក្នុងចំណោមឧបករណ៍ទាំង៣នោះ គឺវាស្ថិតនៅតំបន់ផ្នែកខាងមុខ ដែលងាយបុកប៉ះមុនគេ ឬស្ថិតនៅក្បែរជ្រុងនៃកាងមុខតែម្តង ។ ពោងខ្យល់ភាគច្រើនត្រូវបានរចនាទ្បើង ដើម្បីការពារអ្នកជិះក្នុងរថយន្តអំទ្បុងពេលរថយន្តជួបហេតុការណ៍បុកទង្គិច ហើយក៏ពុំមានន័យថា ពោងខ្យល់ទាំងនោះនឹងផ្ទុះចេញមកក្រៅនៅពេលមានការបុកពីផ្នែកខាងក្រោយដែរ ។ នេះបើតាមប្រភពទីភ្នាក់ងារ AA1 Car ។
គ/វាំងននខ្យល់សុវត្ថិភាពផ្នែកខាងក្រោយ
បណ្តាក្រុមហ៊ុនផលិតរថយន្តមួយចំនួនផលិតពោងខ្យល់សុវត្ថិភាព ដោយរចនាទ្បើងយ៉ាងជាក់លាក់ដើម្បីការពារអ្នកបើកបរក្នុងអំទ្បុងពេលរថយន្តរងការបុកទង្គិចពីផ្នែកខាងក្រោយ។ ពោងខ្យល់នេះគេឱ្យឈ្មោះថា វាំងននខ្យល់ការពារសុវត្ថិភាព ឬពោងចំហៀងដែលមានមុខងារការពារអ្នកអង្គុយកៅអីក្រោយផងដែរ តាមរយៈការបំផ្ទុះចេញពីទីតាំងផ្នែកខាងក្រោយក្បាលរបស់ពួកគេ ៕
ចែករំលែកព័តមាននេះ