ខេត្តស្វាយរៀង ៖ នៅប៉ុន្មាននាទីមុខនេះ មានករណីក្រុមចោរប្រដាប់អាវុធមួយក្រុម បានចូលបាញ់ប្លន់យកទ្រព្យសម្បត្តិពីអ្នកភូមិ កាលពីវេលាម៉ោង៧ និង២០នាទី ថ្ងៃទី២១ មេសា ២០១៥ នៅភូមិ ឃុំ អណ្តូងពោធិ៍ ស្រុករមាសហែក ។
បើតាមអ្នកឆ្លើយឆ្លងព័ត៌មានកោះសន្តិភាពបានអោយដឹងថា ក្រុមចោរប្លន់ដែលចូលមកប្លន់បានបាញ់សម្លាប់បុរសម្នាក់ដែលជាម្ចាស់ផ្ទះ ដោយយកបានទ្រព្យសម្បត្តិមានតម្លៃមួយចំនួនហើយបានគេចខ្លួនចេញទៅបាត់ (ព័ត៌មានបឋម) ។ ក្រោយពេលកើតហេតុ សមត្ថកិច្ចក៏បានចុះមកអត្តរាគមន៏ភ្លាមៗ ហើយបាននឹងកំពុងស្រាវជ្រាវរក និងដេញតាមក្រុមចោរទាំងនោះដែរ ។
ព័ត៌មានបន្ថែមពីលោកអធិការស្រុករមាសហែកបានអោយដឹងថា ក្រុមចោរប្លន់យកបានលុយជាង៤០លានរៀល ពីអាជីវករដូរលុយ នៅភូមិឃុំខាងលើ រីឯជនរងគ្រោះដែលស្លាប់ជាក្មួយរបស់អាជីវករដូរលុយដែលចូលមកជួយក៏ត្រូវក្រុមចោរបាញ់សម្លាប់នៅនឹងកន្លែងផងដែរ ។ បច្ចុប្បន្នកងរាជអាវុធហត្ថខេត្ត ស្រុកសហការជាមួយ ប៉ូលិសខេត្តស្រុក កំពុងធ្វើការស្រាវជ្រាវស្វែងរកមុខសញ្ញាក្រុមចោរប្លន់ទាំងនោះ ។
ចែករំលែកព័តមាននេះ