តាមប្រភពពី «ដេលីញូវ» របស់ថៃ កាលរសៀលពីថ្ងៃទី២១ មេសា ២០១៥ នេះផ្សាយថា មានកើតឧបទ្ទវហេតុក្រឡាប់រថយន្តដឹកពលករខ្មែរមួយគ្រឿង បង្កឱ្យស្លា.ប់មនុស្សចំនួន៦នាក់ និងជាច្រើននាក់ទៀតរងរបួស ដែលហេតុការណ៍នេះកើតឡើងកាលពីវេលា
តាមប្រភពពី «ដេលីញូវ» របស់ថៃ កាលរសៀលពីថ្ងៃទី២១ មេសា ២០១៥ នេះផ្សាយថា មានកើតឧបទ្ទវហេតុក្រឡាប់រថយន្តដឹកពលករខ្មែរមួយគ្រឿង បង្កឱ្យស្លាប់មនុស្សចំនួន៦នាក់ និងជាច្រើននាក់ទៀតរងរបួស ដែលហេតុការណ៍នេះកើតឡើងកាលពីវេលាម៉ោង០២ឈានចូលថ្ងៃទី២១ មេសា ២០១៥ ស្ថិតនៅក្នុងខេត្តឈុនបុរី ប្រទេសថៃ ។
ក្រោយពេលកើតហេតុ ប៉ូលិសប្រចាំស្រុកផានថង ខេត្តឈុនបុរី ក៏នាំកម្លាំងឆ្ពោះទៅចំណុចកើតហេតុ ស្ថិតក្នុងឃុំកោះឡយ ស្រុកផានថង ក៏ប្រទះឃើញរថយន្តតូយ៉ូតាវីហ្គោមួយគ្រឿងលិចនៅក្នុងអូរ ដោយមានអ្នកស្លាប់ចំនួន៦នាក់ ក្នុងនោះមានអ្នកបើកបរ១នាក់ (ជនជាតិថៃ) និងពលករខ្មែរចំនួន៥នាក់ ។ រីឯ៨នាក់ទៀតរងរបួស ត្រូវបានបញ្ជូនទៅមន្ទីរពេទ្យ ។
តាមការសាកសួរពីប៉ូលិសឃើញថា ខណៈពេលអ្នកបើកបរដឹកពលករបរទេសចេញពីព្រំដែននៅខេត្តស្រះកែវ ឆ្ពោះទៅខេត្តឆាត់ឈើសៅ លុះមកដល់ចំណុចត្រួតពិនិត្យរបស់ប៉ូលិសរថយន្តខាងលើ បានបើកគេចទើបង្កើនល្បឿនបុករបាំងអាជ្ញាធរក៏ដេញចាប់ ក្រោយមករថយន្តក៏បាត់ជំហរក្រឡាប់ជាច្រើនត្រឡប់ និងធ្លាក់ទៅក្នុងអូរតែម្តង ។
ចែករំលែកព័តមាននេះ