រាជធានីភ្នំពេញ ៖ សង្វៀនជល់មាន់ និងអាប៉ោងលួចលាក់មួយកន្លែងស្ថិតក្នុងភូមិបឹងឈូក សង្កាត់គីឡូលេខ៦ ខណ្ឌប្ញស្សីកែវ ត្រូវកម្លាំងនគរបាលព្រហ្មទណ្ឌកម្រិតស្រាលនៃស្នងការដ្ឋាននគរបាលរាជធានីដឹកនាំដោយលោកវរសេនីយ៍ត្រី សុខ ណាត នាយរងការិយាល័យព្រហ្មទណ្ឌកម្រិតស្រាលចុះបង្ក្រាបកាលពីវេលាម៉ោង១ និង៣០នាទីរសៀល ថ្ងៃទី២១ មេសា ២០១៥ ។
ក្នុងប្រតិបត្តិការចុះបង្ក្រាបនេះ ធ្វើឱ្យក្រុមអ្នកញៀនល្បែងជល់មាន់រត់ប្រសាចពេញព្រៃចម្ការពុទ្រា តែត្រូវកម្លាំងនគរបាលឡោមព័ទ្ធឃាត់ខ្លួនបានចំនួន១០នាក់ ដកហូតម៉ូតូ១០គ្រឿង កៅអី៧០ និងមាន់ជល់ចំនួន៨ក្បាល។
គួរបញ្ជាក់ថា ទីតាំងខាងលើនេះបានបើកលេងយ៉ាងសប្បាយគគ្រឹកគគ្រេង មានអ្នកចូលមកលេងយ៉ាងកកកុញ ដោយមានការបើកភ្លើងខៀវពីសមត្ថកិច្ច និងអាជ្ញាធរមូលដ្ឋានផងដែរ តែទោះជាយ៉ាងណាត្រូវលោកនាយរងការិយាល័យព្រហ្មទណ្ឌកម្រិតស្រាលចុះបង្ក្រាបបានតែម្តង ៕
ចែករំលែកព័តមាននេះ