ត្រីមាសទី1ឆ្នាំនេះវៀតណាមនាំចូលច្រើនជាងនាំចេញ
ហូជីមិញ ៖ តាមរបាយការណ៍របស់នាយកដ្ឋានពន្ធដារទូទៅកាលពីសប្តាហ៍មុនបង្ហាញថា ការនាំចូល និងនាំចេញសរុបរបស់ប្រទេសវៀតណាម សម្រេចបានលើស៧៥ពាន់លានដុល្លារ
ហូជីមិញ ៖ តាមរបាយការណ៍របស់នាយកដ្ឋានពន្ធដារទូទៅកាលពីសប្តាហ៍មុនបង្ហាញថា ការនាំចូល និងនាំចេញសរុបរបស់ប្រទេសវៀតណាម សម្រេចបានលើស៧៥ពាន់លានដុល្លារ
ហូជីមិញ ៖ តាមរបាយការណ៍របស់នាយកដ្ឋានពន្ធដារទូទៅកាលពីសប្តាហ៍មុនបង្ហាញថា ការនាំចូល និងនាំចេញសរុបរបស់ប្រទេសវៀតណាម សម្រេចបានលើស៧៥ពាន់លានដុល្លារ នៅក្នុងអំឡុងពេល៣ខែដំបូងនៃឆ្នាំ២០១៥នេះ កើនឡើង១៤,៣%ធៀបនឹងអំឡុងពេលដូចគ្នា កាលពីឆ្នាំទៅ ។
ក្នុងនោះចំណូលសរុបពីការនាំចូលនិងនាំចេញដែលទទួលបានពីជំនួញវិនិយោគផ្ទាល់ពីបរទេសមានចំនួន៤៨,១៩ពាន់លានដុល្លារ កើនឡើង២២,៦% ធៀបនឹងរយៈពេលដូចគ្នាកាលពីឆ្នាំ២០១៤ ឬស្មើនឹង៦៤%នៃចំណូលនាំចូល និងនាំចេញសរុបរបស់វៀតណាម ។ ចំណែកចំណូលពីការនាំចេញសម្រេចបានចំនួន៣៦,៣ពាន់លានដុល្លារ កើន២,៩៣ពាន់លានដុល្លារ ធៀបនឹងឆ្នាំទៅ ខណៈជំនួញវិនិយោគផ្ទាល់ពីបរទេសស្មើ៦៧,៥%នៃការនាំចេញសរុប។ ក្នុងអំឡុងពេល៣ខែដំបូងឆ្នាំនេះ ទូរស័ព្ទស្មាតហ្វូន និងគ្រឿងទូរស័ព្ទវៀតណាមនាំចេញបានក្នុងទំហំទឹកប្រាក់៦,៧ពាន់លានដុល្លារ វាយនភ័ណ្ឌនិងសម្លៀកបំពាក់៤,៩ពាន់លានដុល្លារ កុំព្យូទ័រ គ្រឿងអេឡិចត្រូនិក និងសមាសភាពផ្សំផ្សេងៗ ៣,៦ពាន់លានដុល្លារ ស្បែកជើង២,៦ពាន់លានដុល្លារ រីឯរថយន្តនិងគ្រឿងបន្លាស់១,៣ពាន់លានដុល្លារ ។
ដោយឡែកក្នុងត្រីមាសទី១នេះ វៀតណាមនាំចូលក្នុងទំហំទឹកប្រាក់៣៨,៧ពាន់លានដុល្លារច្រើនជាងមុន២០,៧% បើធៀបនឹងត្រីមាសទី១ឆ្នាំ២០១៤ ក្នុងនោះនាំចូលម៉ាស៊ីន គ្រឿងបន្លាស់ និងឧបករណ៍ផ្សេងៗ៧ពាន់លានដុល្លារ កើន២,២ពាន់លានដុល្លារ ធៀបនឹងឆ្នាំមុន ។ ចំណែកកុំព្យូទ័រ និងសមាសធាតុផ្សំផ្សេងៗ ៥,៦ពាន់លានដុល្លារ ទូរស័ព្ទនិងគ្រឿងបន្លាស់ផ្សេងៗ២,៦ពាន់លានដុល្លារ និងក្រណាត់២,១ពាន់លានដុល្លារ ៕
ចែករំលែកព័តមាននេះ