រាជធានីភ្នំពេញ ៖ ជនសង្ស័យម្នាក់ដែលគេដឹងថា ជាមនុស្សញៀនថ្នាំដល់កម្រិត ដោយសារអត់លុយទិញថ្នាំញៀនជក់ បានបែកគំនិតចូលទៅបន្លំលួចម៉ូតូ១គ្រឿង នៅក្នុងកន្លែងផ្ញើម៉ូតូមួយ តែអ្នកយាមដឹងទាន់ ក៏ស្រែកឆោឡោ ហើយត្រូវប្រជាពលរដ្ឋនាំគ្នាចាប់បានវាយម្នាក់១ដៃម្នាក់១ជើងយ៉ាងទ្រមខ្លួន ទើបចាប់ប្រគល់ឱ្យសមត្ថកិច្ច ។
ហេតុការណ៍នេះ កើតឡើងកាលពីរវេលាម៉ោង០៨ និង៤៥នាទីយប់ថ្ងៃទី២០ មេសា ២០១៥ ស្ថិតនៅចំណុចកន្លែងទទួលផ្ញើម៉ូតូ«លាង ហេង ១៦៨» ស្ថិតក្នុងភូមិត្រពាំងឈូក សង្កាត់ទឹកថ្លា ខណ្ឌសែនសុខ ។
ប្រភពបានឱ្យដឹងថា ជនសង្ស័យឈ្មោះយ៉ា ដាម៉ាប់ អាយុ១៦ឆ្នាំ មុខរបរមិនពិតប្រាកដ ស្នាក់នៅម្តុំផ្លូវរទះភ្លើង ក្នុងសង្កាត់ទឹកល្អក់ទី១ ខណ្ឌទួលគោក ។
បើតាមការឱ្យដឹងពីឈ្មោះអ៊ុំ សុខវុទ្ធី ជាអ្នកយាមម៉ូតូ បានប្រាប់សមត្ថកិច្ចថា នៅមុនពេលចាប់ជនសង្ស័យដែលបានចូលបន្លំលួចម៉ូតូនេះ គេឃើញជនសង្ស័យដើរចុះដើរឡើងនៅមុខកន្លែងផ្ញើម៉ូតូរបស់គាត់ ឃើញដូច្នោះពួកគាត់បាននាំគ្នាតាមមើលរហូត ព្រោះកាលពី៣ថ្ងៃមុន ក៏មានចោរចូលមកបន្លំលួចយកម៉ូតូគុបជ្រុង ពណ៌ទឹកប៊ិចមួយគ្រឿងបានដោយសុវត្ថិភាពភាព ទើបពួកគាត់មានការប្រុងប្រយ័ត្ន ហើយក៏នាំគ្នាតាមមើលជនសង្ស័យរហូតដល់គេធ្វើសកម្មភាពតែម្តង ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ