ស្រុកលំផាត់-ខេត្តរតនគិរី ៖ យុវជនពីរនាក់ដែលបានបាត់ខ្លួននៅតំបន់ទេសចរណ៍តាតៃ ធ្វើឱ្យមានការភ្ញាក់ផ្អើលដល់ភ្ញៀវជាតិ និងអន្តរជាតិយ៉ាងខ្លាំង កាលពីវេលាម៉ោង៣រសៀល ថ្ងៃទី១៩ មេសា ២០១៥ ស្ថិតនៅត្រង់ចំណុទន្លេស្រែពក (តំបន់ទេសចរណ៍តាតៃ) ភូមិលំផាត់ ឃុំជ័យឧត្តម ស្រុកលំផាត់ នោះត្រូវបានក្រុមគ្រួសាររកសពឃើញហើយកាលពីវេលាម៉ោង៨ព្រឹក ថ្ងៃទី២០ មេសា នៅចំណុចគល់ស្ពានទន្លេស្រែពក ។
ពេលនេះសពយុវជនទាំង២នាក់ត្រូវបានក្រុមគ្រួសារដឹកយកមកដល់ផ្ទះធ្វើបុណ្យតាមប្រពៃណីហើយ។
គួររំលឹកថា យុវជនពីរនាក់បានបាត់ខ្លួននៅតំបន់ទេសចរណ៍តាតៃ ធ្វើឱ្យមានការភ្ញាក់ផ្អើលដល់ភ្ញៀវជាតិ និងអន្តរជាតិយ៉ាងខ្លាំង កាលពីវេលាម៉ោង ៣រសៀល ថ្ងៃទី១៩ មេសា ២០១៥ ស្ថិតនៅត្រង់ចំណុចទន្លេស្រែពក (តំបន់ទេសចរណ៍តាតៃ) ភូមិលំផាត់ ឃុំជ័យឧត្តម ស្រុកលំផាត់ ។
តាមប្រភពពត៌មានពីកន្លែងកើតហេតុបានឱ្យដឹងថា ជនរងគ្រោះដែលបាត់ខ្លួននោះ មានឈ្មោះ ភួយ រតនៈ ភេទប្រុស អាយុ២១ឆ្នាំ និងឈ្មោះហង្ស មី ភេទប្រុស អាយុ២០ឆ្នាំ អ្នកទាំងពីរត្រូវជាពួ និងក្មួយរស់នៅភូមិទេសន្លុង សង្កាត់បឹងកន្សែង ក្រុងបានលុង ខេត្តរតនគិរី ។
ប្រភពពត៌មានពីក្រុមគ្រួសារបានឲ្យដឹងថាឈ្មោះភួយ រតនៈ នេះជានិស្សិតរៀននៅភ្នំពេញទើបមកលេងផ្ទះម្តាយក្នុងពិធីបុណ្យចូលឆ្នាំខ្មែរ ក៏បានជួបឧប្បតិហេតុបាត់ខ្លួននៅទន្លេស្រែពក (រមណីយដ្ឋានតាតៃ) ៕
ចែករំលែកព័តមាននេះ