ការនាំចេញរបស់សិង្ហបុរីខែមីនារើបឡើង
សិង្ហបុរី ៖ នៅក្នុងអំឡុងខែមីនា ឆ្នាំ២០១៥ ការនាំចេញទំនិញក្នុងស្រុកក្រៅពីប្រេងរបស់ប្រទេសសិង្ហបុរី បានកើនឡើងគួរឱ្យចាប់អារម្មណ៍បំផុត១៨,៥% ធៀបនឹងអំឡុងពេលដូចគ្នាកាលពីឆ្នាំមុន
សិង្ហបុរី ៖ នៅក្នុងអំឡុងខែមីនា ឆ្នាំ២០១៥ ការនាំចេញទំនិញក្នុងស្រុកក្រៅពីប្រេងរបស់ប្រទេសសិង្ហបុរី បានកើនឡើងគួរឱ្យចាប់អារម្មណ៍បំផុត១៨,៥% ធៀបនឹងអំឡុងពេលដូចគ្នាកាលពីឆ្នាំមុន
សិង្ហបុរី ៖ នៅក្នុងអំឡុងខែមីនា ឆ្នាំ២០១៥ ការនាំចេញទំនិញក្នុងស្រុកក្រៅពីប្រេងរបស់ប្រទេសសិង្ហបុរី បានកើនឡើងគួរឱ្យចាប់អារម្មណ៍បំផុត១៨,៥% ធៀបនឹងអំឡុងពេលដូចគ្នាកាលពីឆ្នាំមុន ដែលរើបឡើងវិញពីអត្រារួមតូចសរុប៩,៧%កាលពីខែកុម្ភៈ ។
ជាងនេះទៅទៀតការបោះជំហានទៅមុខនេះ គឺមានកម្រិតល្អប្រសើរលើសពីការថយចុះ០,៧%ដែលទីផ្សារបានរំពឹងទុកហើយក៏ជាតួលេខខ្ពស់ជាងគេបំផុតដែរនៅក្នុងរយៈពេលជាង៣ឆ្នាំនេះ ។ ការពង្រីកខ្លួនយ៉ាងខ្លាំងក្នុងអំឡុងខែមីនាបានឆ្លុះបញ្ចាំងឱ្យឃើញពីការធ្វើឱ្យប្រសើរនៅលើទីផ្សារសហគមន៍អឺរ៉ុប ម៉ាឡេស៊ី និងសហរដ្ឋអាមេរិក ។ តាមការឱ្យដឹងពីអង្គភាពសហគ្រាសអន្តរជាតិរបស់សិង្ហបុរី ការនាំចេញគ្រឿងអេឡិចត្រូនិកបានកើនឡើង១០,៤% ក្នុងខែមីនា ដែលផ្ទុយពីការធ្លាក់ចុះ១២,៥%ដែលបានចុះបញ្ជីកាលពីខែកុម្ភៈ ។ ចំណែកការនាំចេញផលិតផលក្រៅពីគ្រឿងអេឡិចត្រូនិកមានសភាពវិវត្តន៍ទៅមុខពីអត្រាធ្លាក់ចុះ៨,៥% (ខែកុម្ភៈ) ទៅនឹងការពង្រីកបាន២១,៦% (ខែមីនា) ។ រីឯការនាំចេញពីមួយខែទៅមួយខែដែលបានកែសម្រួលតាមរដូវការពង្រីកបាន២៣,០% ក្នុងខែមីនា ដែលផ្ទុយពីការធ្លាក់ចុះ៩,៤% កាលពីខែកុម្ភៈ ។
ទោះជាយ៉ាងណា គណៈវិនិច្ឆ័យគេហទំព័រសេដ្ឋកិច្ចធំមួយលើពិភពលោកបានវាយតម្លៃទុកថា ការនាំចេញដែលបានកំណត់ទុកជាមុនសរុបនឹងពង្រីកបាន១,៤% ឆ្នាំ២០១៥ ឬស្មើនឹងទំហំទឹកប្រាក់៤៣២ពាន់លានដុល្លារ ។ ឯឆ្នាំ២០១៦ កើនដល់២,១% ឬ៤៤២ពាន់លានដុល្លារ ៕
ចែករំលែកព័តមាននេះ