ខេត្តបន្ទាយមានជ័យ ៖ បុរសម្នាក់ត្រូវបានគេប្រទះឃើញចង.កធ្វើអត្តឃា.តខ្លួនឯងចោលប្រពន្ធ និងកូនប្រុស/ស្រីចំនួន៣នាក់ ព្រោះតែតូចចិត្តខឹងប្រពន្ធស្តីបន្ទោសបន្តិចបន្តួចពីរឿងផឹកស្រា ។
ខេត្តបន្ទាយមានជ័យ ៖ បុរសម្នាក់ត្រូវបានគេប្រទះឃើញចង.កធ្វើអត្តឃាតខ្លួនឯងចោលប្រពន្ធ និងកូនប្រុស/ស្រីចំនួន៣នាក់ ព្រោះតែតូចចិត្តខឹងប្រពន្ធស្តីបន្ទោសបន្តិចបន្តួចពីរឿងផឹកស្រា ។ ហេតុការណ៍បង្កការភ្ញាក់ផ្អើលនេះកើតឡើងកាលពីវេលាម៉ោង៦ព្រឹក ថ្ងៃទី២០ ខែមេសា ឆ្នាំ២០១៥ នៅភូមិព្រៃវែង ឃុំគំរូ ស្រុកថ្មពួក ខេត្តបន្ទាយមានជ័យ ។
តាមប្រភពព័ត៌មានពីនគរបាលស្រុកថ្មពួកបានឲ្យដឹងថា បុរសដែលបានចង.កធ្វើអត្តឃាតព្រោះតែខឹងប្រពន្ធស្តីបន្ទោសបន្តិចបន្តួចពីរឿងផឹកស្រា មានឈ្មោះហាក់ ហុន អាយុ៤០ឆ្នាំ មានប្រពន្ធ និងកូនចំនួន៣នាក់ រស់នៅភូមិព្រៃវែង ឃុំគំរូ ស្រុកថ្មពួក ខេត្តបន្ទាយមានជ័យ ។
ប្រភពដដែលបានបញ្ជាក់ថា តាមការសាកសួរ និងការរៀបរាប់ពីស្ត្រីជាប្រពន្ធ ប្រាប់សមត្ថកិច្ចថា ពេលល្ងាចប្តីរបស់គាត់បានផឹកស្រាស្រវឹង ហើយគាត់ក៏បានស្តីថាឲ្យបន្តិចបន្តួច ហើយក៏ឈប់ទៅ គាត់ក៏ដេក លុះព្រឹកឡើងស្រាប់តែឃើញប្តីរបស់គាត់ចង.កសម្លាប់ខ្លួន ដោយខ្សែគោចងជាប់នឹងធ្នឹមទ្រុងជ្រូកខាងក្រោយផ្ទះ ។
នគរបាលមូលដ្ឋានបានបញ្ជាក់ថា តាមការស្រាជ្រាវពិនិត្យសាកសព បុរសនេះគឺពិតជាចង.កធ្វើអត្តឃាតពិតមែន ព្រោះនៅលើសាកសពពុំមានអ្វីទាក់នងនឹងអំពើឃាតកម្មនោះឡើយ បន្ទាប់ពីធ្វើកោសល្យវិច្ច័យរួច សពត្រូវបានប្រគល់ជូនក្រុមគ្រួសារចាត់ចែងធ្វើបុណ្យតាមប្រពៃណី ៕
ចែករំលែកព័តមាននេះ