ខេត្តឧត្តរមានជ័យ ៖ កាលពីវេលាម៉ោង៦ល្ងាច ថ្ងៃទី១៣ មេសា ២០១៥ ស្ត្រីម្នាក់ឈឺពោះសំរាលកូនរួច ហើយគ្រូពេទ្យបានបន្តធ្វើការវះកាត់ និងសំអាតទ្វារ ព្រមទាំងចងដៃស្បូនមិនឲ្យមានកូនបន្តទៀត
ខេត្តឧត្តរមានជ័យ ៖ កាលពីវេលាម៉ោង៦ល្ងាច ថ្ងៃទី១៣ មេសា ២០១៥ ស្ត្រីម្នាក់ឈឺពោះសំរាលកូនរួច ហើយគ្រូពេទ្យបានបន្តធ្វើការវះកាត់ និងសំអាតទ្វារ ព្រមទាំងចងដៃស្បូនមិនឲ្យមានកូនបន្តទៀត ស្រាប់តែឈាមបានហូរធ្លាក់ខ្លាំងនៅក្នុងមន្ទីរពេទ្យបង្អែក ស្រុកអន្លង់វែង បន្ទាប់មកគ្រូពេទ្យបានបញ្ជូនបន្តទៅធ្វើការសង្គ្រោះនៅមន្ទីពេទ្យបង្អែកខេត្តឧត្តរមានជ័យ តែស្ត្រីរងគ្រោះបានស្លាប់បាត់បង់ជីវិតចោលប្តី និងកូននៅក្នុងពិធីបុណ្យចូលឆ្នាំ កាលពីវេលាម៉ោង១រំលងអធ្រាត្រឈានចូលថ្ងៃទី១៤ មេសា ២០១៥ កន្លងទៅនេះ ។
បើតាមសំដីបុរសជាប្តីស្ត្រីរងគ្រោះឈ្មោះហាស់ ហេន អាយុ៣៥ឆ្នាំ រស់នៅក្នុងភូមិអូរចិញ្ជៀន ឃុំអន្លង់វែង ស្រុកអន្លង់វែង បានរៀបរាប់ឲ្យដឹងថា មុនពេលកើតហេតុនៅវេលាម៉ោង៦ល្ងាច ថ្ងៃទី១៣ មេសា ២០១៥ ប្រពន្ធរបស់ខ្លួនដែលមានឈ្មោះឡេក ឡុងហេង អាយុ៣២ឆ្នាំ មានកូន៣ស្រីម្នាក់ ហើយបានប្រាប់ប្តីថា នាងឈឺពោះ ចំណែកខ្លួនជាប្តីបានប្រញាប់យកប្រពន្ធទៅឆ្លងទន្លេក្នុងមន្ទីរពេទ្យបង្អែកស្រុកអន្លង់វែង លុះនូវវេលាម៉ោង៧និង៣០នាទីយប់ថ្ងៃដដែល នាងបានឆ្លងទន្លេរួចជាធម្មតា បានកូនស្រី បន្ទាប់ពីឆ្លងទន្លេរួច នាងជាប្រពន្ធបាននិយាយគ្នាជាមួយគ្រូពេទ្យឲ្យជួយធ្វើការសំអាតដេរ និងចងដៃស្បូនមិនឲ្យមានកូនបន្តទៀត ហើយគ្រូពេទ្យបានធ្វើការទៅតាមបច្ចេកទេសរបស់ខ្លួន ពេលនោះស្រាប់តែនាងមានឈាមហូរធ្លាក់ខ្លាំងមកតាមទ្វារមាស ឃើញហេតុការណ៍បែបនេះ ខ្លួនជាប្តីបានឲ្យគ្រូពេទ្យប្រញាប់រៀបចំឯកសារបញ្ជូនប្រពន្ធទៅធ្វើការសង្គ្រោះបន្ទាន់នូវមន្ទីរពេទ្យខេត្តសៀមរាប អស់រយៈពេលជិតមួយម៉ោង ក្រោយមកគ្រូពេទ្យបានមកប្រាប់ថា បើបញ្ជូនប្រពន្ធទៅខេត្តសៀមរាបគ្រូពេទ្យមិនទទួលខុសត្រូវទេ បើបញ្ជូនប្រពន្ធទៅធ្វើការសង្គ្រោះនូវមន្ទីរពេទ្យខេត្ត ទើបគ្រូពេទ្យមានការទទួលខុសត្រូវ។ ដោយឡែកមួយករណីផ្សេងទៀត បុរសម្នាក់ឈ្មោះកឹង យុទ្ធា ភេទប្រុស អាយុអាយុ៣០ឆ្នាំ រស់នៅក្នុងមណ្ឌលអង្គការកុមាកំព្រារ ដែលបានមកលេងនឹងបងស្រីដែលរស់នៅក្នុងស្រុកអន្លង់វែង ក្នុងរដូវពិធីបុណ្យចូលឆ្នាំប្រពៃណីជាតិខ្មែរ បុរសរូបនេះបានត្អូញត្អែរប្រាប់បងស្រីថា ខ្លួនឈឺក្បាលពេលនោះ បងស្រីបាននាំប្អូនទៅទិញថ្នាំឈឺក្បាលនៅកន្លែងឱសថស្ថានដែលមានយីហោកែវចំរើន យកមកលេប ស្រាប់តែដេកស្លាប់នៅយប់ថ្ងៃទី១៣ មេសា ២០១៥ ដែលមានទីលំនៅឋានរបងជាប់ផ្ទះស្ត្រីរងគ្រោះខាងលើ។ បន្ទាប់ពីកើតហេតុការណ៍បែបនេះ បងប្អូនរបស់សាច់ញាតិខាងលើទាំងពីរបានដាក់ពាក្យបណ្តឹងពីគ្រូពេទ្យដោយចោទប្រកាន់ថា ធ្វើការព្យាបាលខុសបច្ចេកទេសរបស់ខ្លួនទៅសមត្តកិច្ចប៉ូលីសជួយធ្វើការដោះស្រាយ។
ទាក់ទិនហេតុការណ៍នេះ កោះសន្តិភាពបានទូរស័ព្ទជួបលោកប៉ិច សុខា ប្រធានមន្ទីរពេទ្យបង្អែកស្រុកអន្លង់វែង កាលពីរសៀលថ្ងៃទី១៩ មេសា ២០១៥ លោកបានឲ្យដឹងថា ក្នុងការចោទប្រកាន់ពីក្រុមគ្រួសារ និងសាច់ញាតិរបស់ជនរងគ្រោះទាំងពីរនោះ ក្រុមគ្រូពេទ្យថ្នាក់វេជ្ជបណ្ឌិតមកពីខេត្តជាច្រើនរូបបានអញ្ជើញចុះមកធ្វើការពិនិត្យនូវលើឯកសារក្នុងការប្រើប្រាស់ឱសថព្យាបាល និងប្រើប្រាស់នូវបច្ចេកទេសរបស់លោកគ្រូពេទ្យរកឃើញថា ដោយមិនមានកំហុសស្គងទេ ក្នុងការស្លាប់របស់ស្ត្រីរងគ្រោះ បើតាមគ្រូពេទ្យពិនិត្យរកឃើញដោយសារតែស្ត្រីឆ្លងទន្លេវាអាចប៉ះពាល់ដាច់មាត់ស្បូន បណ្តាលឲ្យមានឈាមធា្លក់ ហើយស្ត្រីរូបនេះឈាមរាវទៀត គ្រូពេទ្យបានជួយសង្គ្រោះផ្តល់ឈាមចំនួន៣កំប្លោក និងចាក់ថ្នាំឃាត់ឈាមដែរ តែជួយមិនបាន រហូតស្លាប់បាត់បង់ជីវិត រីឯបុរសដែលលេបថ្នាំរួចដេកស្លាប់គ្រូពេទ្យធ្វើការពិនិត្យទៅលើគ្រាប់ថ្នាំដែលជនរងគ្រោះលេបនៅសេសសល់នោះ គឺមិនអាចប្រតិកម្មថ្នាំទេ៕
ចែករំលែកព័តមាននេះ