ខេត្តបន្ទាយមានជ័យ ៖ ជម្លោះមិនដឹងមូលហេតុមួយបានផ្ទុះឡើងនៅមាត់ច្រកទ្វារអន្តរជាតិប៉ោយប៉ែត បង្កឱ្យការភ្ញាក់ផ្អើលទាំងព្រឹក កាលពីថ្ងៃទី១៩ មេសា ២០១៥ ដោយមនុស្ស៣នាក់ បញ្ចេញក្បាច់គុនវាយគ្នាគួរឲ្យជក់ចិត្ត។
ឈ្មោះភាដា ភេទប្រុស អាយុ២៥ឆ្នាំ មានទីលំនៅភូមិក្បាលស្ពាន០១ សង្កាត់ប៉ោយប៉ែត មានមុខរបរជាអ្នកដេរ និងលក់ស្បែកជើងជជុះក្បែរច្រកទ្វារអន្តរជាតិប៉ោយប៉ែត បាននិយាយថា ខ្លួនមិនមានជម្លោះអ្វីជាមួយភាគីម្ខាងនោះទេ ពេលដែលកំពុងអង្គុយលក់ស្បែកជើង ស្រាប់តែមនុស្ស២នាក់មកលួចវាយ ហើយខ្លួនក៏វាយតបតវិញ ដើម្បីការពារខ្លួនតែម្ដង។ ទោះជាយ៉ាងណាភាគីរងគ្រោះបានចោទប្រកាន់ថា ជនបង្កបានរត់ចេញពីចំណុចកើតហេតុ នៅពេលដែលសមត្ថកិច្ចច្រកទ្វារតាមហៅសួរនាំ។
នៅកន្លែងកើតហេតុគេឃើញមនុស្សម្នាជាច្រើនមានទាំងភ្ញៀវជាតិ និងអន្តរជាតិ បាននាំគ្នាចោមរោមមើលហេតុការណ៍សាកក្បាច់គុននេះយ៉ាងជក់ចិត្ត។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ