មេដឹកនាំកូរ៉េខាងជើង លោកគីម ជុងអ៊ុន ថ្លែងកាលពីថ្ងៃទី១៨ មេសា ពេលលោកឡើងភ្នំ PAEKTU ជាមួយបណ្តាអ្នកបើកយន្តហោះរបស់កងទ័ពថា ស្មារតីបដិវត្តន៍ពិតជាខ្លាំងជាងអាវុធនុយក្លេអ៊ែរទៅទៀត ។
លោកគីម ជុងអ៊ុន បន្តថា ឡើងភ្នំ PAEKTU ផ្តល់នូវស្មារតីកាន់តែខ្លាំងក្លាថែមទៀតជាងអាវុធនុយក្លេអ៊ែរ អាស្រ័យហេតុនេះហើយបានជាគេត្រូវថែរក្សាប្រពៃណីបដិវត្តន៍នៅភ្នំ PAEKTU ។
អ្នកបើកយន្តហោះទាំងនោះត្រូវបំពេញបេសកកម្មរយៈពេល១សប្តាហ៍នៅជុំវិញភ្នំនេះ ដែលជាទីតាំងបដិវត្តន៍ដ៏សំខាន់សម្រាប់ប្រទេស ។
មុននេះ លោកគីម ជុងអ៊ុន បានចូលរួមក្នុងពិធីធ្វើសច្ចាប្រណិធានសម្រាប់ពួកអ្នកបើកយន្តហោះនៅឯមហាវិមាន SAMJIYON។ លោកគូសបញ្ជាក់ពីសារសំខាន់នៃប្រពៃណីបដិវត្តន៍ ហើយថ្លែងទៅកាន់ក្រុមអ្នកបើកយន្តហោះថា ទឹកចិត្តបដិវត្តន៍ គឺប្រសើរថ្លៃថ្លាបំផុតព្រោះវាជាកត្តាសំខាន់ធានាដល់ជ័យជម្នះ ។ លោកក៏សង្កត់ធ្ងន់ផងដែរលើបណ្តាភារកិច្ចនៃការរៀបចំខ្លួនសម្រាប់ការប្រយុទ្ធរបស់កងទ័ពអាកាស និងកងកម្លាំងការពារអាកាស ព្រមទាំងពីការពង្រឹងសមត្ថភាពប្រយុទ្ធ ៕
ចែករំលែកព័តមាននេះ