រាជធានីភ្នំពេញ ៖ សមត្ថកិច្ចនគរបាលកងរាជអាវុធហត្ថខណ្ឌមានជ័យ សហការជាមួយកងរាជអាវុធហត្ថរាជធានីភ្នំពេញ បានធ្វើការឃាត់ខ្លួនបក្សពួកជនសង្ស័យចំនួន៤នាក់ទៀត កាលពីវេលាម៉ោង០១រំលងអធ្រាត្រ ឈានចូលថ្ងៃទី១៨ មេសា ២០១៥ ពាក់ព័ន្ធទៅ
រាជធានីភ្នំពេញ ៖ សមត្ថកិច្ចនគរបាលកងរាជអាវុធហត្ថខណ្ឌមានជ័យ សហការជាមួយកងរាជអាវុធហត្ថរាជធានីភ្នំពេញ បានធ្វើការឃាត់ខ្លួនបក្សពួកជនសង្ស័យចំនួន៤នាក់ទៀត កាលពីវេលាម៉ោង០១រំលងអធ្រាត្រ ឈានចូលថ្ងៃទី១៨ មេសា ២០១៥ ពាក់ព័ន្ធទៅនិងសកម្មភាពចែកចាយថ្នាំញៀន និងចោរកម្ម ខណៈដែលបានឃាត់ខ្លួនមុខសញ្ញាចាស់២នាក់ហើយ ។
ជុំវិញការឃាត់ខ្លួនជនចែកចាយថ្នាំញៀនខាងលើនេះ សមត្ថកិច្ចដកហូតបានវត្ថុតាង និងឯកសារផ្សេងៗទៀតរហូតឈានដល់ការចុះឆែកឆេរនៅផ្ទះជួលមួយកន្លែងទៀត ។
ដោយយោងតាមចម្លើយសារភាពរបស់ សៅ សម្បត្តិ កាលពីល្ងាចថ្ងៃទី១៧ មេសា ឆ្នាំ២០១៥ ទើបកម្លាំងកងរាជអាវុធហត្ថរាជធានីភ្នំពេញ សហការជាមួយអាវុធហត្ថខណ្ឌមានជ័យ និងមានការចូលរួមពីសំណាក់អាជ្ញាធរមូលដ្ឋាន ក៏ធ្វើការចុះទៅឆែកឆេរទីតាំងផ្ទះជួលរបស់បក្សពួកជនសង្ស័យខាងលើបន្ថែមទៀត ស្ថិតក្នុងភូមិសន្សំកុសល៥ សង្កាត់បឹងទំពុន ខណ្ឌមានជ័យ រកឃើញមានថ្នាំញៀនមួយចំនួនធំ រួមទាំងឧបករណ៍សម្រាប់ប្រើប្រាស់ថ្នាំញៀនផ្សេងទៀត និងធ្វើការមនុស្សចំនួន៤នាក់ ( ស្រីម្នាក់ ) ។ ក្រោយឃាត់ខ្លួនជនទាំង៤នាក់ និងវត្ថុតាងត្រូវបញ្ចូនទៅកាន់ទីបញ្ជាការដ្ឋានកងរាជអាវុធហត្ថរាជធានីភ្នំពេញ ដើម្បីចាត់ការតាមផ្លូវច្បាប់ ។
គួររំលឹកថា អាវុធហត្ថខណ្ឌមានជ័យចាប់ខ្លួនបក្សពួកជួញដូរគ្រឿងញៀន និងមុខសញ្ញាចោរកម្ម បាន២នាក់ ។
សូមបញ្ជាក់ថា ជនទាំង២នាក់ខាងលើ ជាមុខសញ្ញាធ្លាប់ជាប់ពន្ធនាគារពាក់ព័ន្ធនឹងសកម្មភាពឆក់ ប្លន់ និងគាស់ផ្ទះប្រជាពលរដ្ឋ នៅក្នុងភូមិសាស្ត្រសង្កាត់បឹងទំពុន និងសង្កាត់ស្ទឹងមានជ័យ ហើយនៅពេលដែលសមត្ថកិច្ចចាប់ខ្លួនឆែកសួរនាំម្តងៗ ត្រូវមេបញ្ជាការម្នាក់ មានងារជាឧត្តមសេនីយ៍អង្គរក្ស និងម្នាក់ទៀតជាមន្ត្រីក្រឡាបញ្ជីរសាលាដំបូងរាជធានីភ្នំពេញ ចេញមុខអន្តរាគមន៍ស្តីបន្ទោសដល់សមត្ថកិច្ច ហាក់បីដូចជាបុគ្គលរូបនេះគ្មានបទល្មើសអ្វីសោះ ។
ចំពោះការឃាត់ខ្លួនលើកនេះប្រជាពលរដ្ឋសង្ឈឹមថា លោកឧត្តមសេនីយ៍ រ័ត្ន ស្រ៊ាង មេបញ្ជាការកងរាជអាវុធហត្ថរាជធានីភ្នំពេញ ដែលកំពុងមានប្រជាប្រិយ៍ភាពក្នុងការដឹកនាំបញ្ជារកម្លាំង បង្ក្រាបបទល្មើសទូទៅក្នុងរាជធានីភ្នំពេញ និងចាត់ការកសាងសំណុំរឿងបញ្ចូនទៅតុលាការផ្តន្ទាទោសតាមច្បាប់ ដោយគ្មានការយោគយល់ឡើយ ហើយក៏សង្ឈឹមថា សាលាដំបូងរាជធានីភ្នំពេញ នឹងចាត់ការដល់បុគ្គលជាមុខសញ្ញាចាស់នេះ ផ្តន្ទាទោសដាក់ពន្ធធនាគារតាមនីតិវិធីច្បាប់ ៕
ចែករំលែកព័តមាននេះ