ខេត្តកំពង់ចាម ៖ បុគ្គលិកផ្នែករដ្ឋបាលឈ្មោះតុង ចំរើន ភេទប្រុស អាយុ៣១ឆ្នាំ បម្រើការងារនៅក្រុមហ៊ុនសួនឧស្សាហកម្មមេនហាតថេន កាត់ដេរសម្លៀកបំពាក់ ស្ថិតនៅឃុំអំពិល ស្រុកកំពង់សៀម មានចរិកមិនទៀងទាត់បានរំលោ.ភសេចក្តីទុកចិត្តកិបកេងប្រាក់
ខេត្តកំពង់ចាម ៖ បុគ្គលិកផ្នែករដ្ឋបាលឈ្មោះតុង ចំរើន ភេទប្រុស អាយុ៣១ឆ្នាំ បម្រើការងារនៅក្រុមហ៊ុនសួនឧស្សាហកម្មមេនហាតថេន កាត់ដេរសម្លៀកបំពាក់ ស្ថិតនៅឃុំអំពិល ស្រុកកំពង់សៀម មានចរិកមិនទៀងទាត់បានរំលោភសេចក្តីទុកចិត្តកិបកេងប្រាក់ចំនួន៧.៨០០ដុល្លារ ត្រូវបានអគ្គនាយកក្រុមហ៊ុនឈ្មោះលីន តឹងឈាន ភេទប្រុស អាយុ៥៧ឆ្នាំ ជនជាតិចិន បានប្តឹងមកសមត្ថកិច្ចឱ្យចាប់ខ្លួន ត្រូវលោកចៅក្រមនៅ យ៉ារ័ត្ន ចេញដីកាឃុំខ្លួនហើយ កាលពីថ្ងៃទី១៤ មេសា ២០១៥ កន្លងមក និងបាននាំទៅដាក់នៅពន្ធនាគារខេត្តជាបណ្តោះអាសន្នផងដែរ ។
លោកវរសេនីយ៍ទោ ប៉ាក ជាតិ អធិការនគរបាលស្រុកកំពង់សៀមប្រាប់ឱ្យដឹងថា កាលពីថ្ងៃទី១១ មេសា ២០១៥ ស្ថិតក្នុងក្រុមហ៊ុនមេនហាតធេន ស្ថិតនៅភូមិអំពិលលើ ឃុំអំពិល មានករណីរំលោភលើសេចក្តីទុកចិត្តលួចបន្លំយកប្រាក់របស់ក្រុមហ៊ុនប្រព្រឹត្តដោយប្រធានរដ្ឋបាលឈ្មោះ ចំរើន ដោយមានទឹកប្រាក់ចំនួនខាងលើ ។
លោកបន្តថា កាលពីថ្ងៃទី៧ មីនា ២០១៥ កន្លងមក ឈ្មោះចំរើន បានអះអាងក្នុងនាមជាប្រធានរដ្ឋបាលសុំបើកប្រាក់ចំនួន៤.៩០០ដុល្លារ ដើម្បីទៅបង់ឱ្យថ្លៃប្រាក់បៀវត្សបុគ្គលិក សន្តិសុខឯកជនការពាររោងចក្រ មានវិក័យបត្រត្រឹមត្រូវពីគណនេយ្យ ។ ប៉ុន្មានថ្ងៃក្រោយមក ស្រាប់តែមានក្រុមហ៊ុនសន្តិសុខឯកជន បានមកសុំទូទាត់ប្រាក់ខែ ទើបក្រុមហ៊ុនដឹងថា ឈ្មោះចំរើន ពិតជាបានលួចបន្លំប្រាក់ចំនួន៤.៩០០ដុល្លារ ពេលដែលសួរនាំក៏ឆ្លើយថា លុយដែលបើកនោះបានជ្រុះបាត់អស់ហើយ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ