ខេត្តកំពត ៖ ក្នុងឱកាសបុណ្យចូលឆ្នាំប្រពៃណីជាតិខ្មែរខិតជិតចូលមកដល់នាពេលដ៍ខ្លីប៉ុន្មានថ្ងៃខាងមុខនេះ មន្ត្រីរាជការ កម្មករ និយោជិក គ្រប់ស្ថាប័ន និងរោងចក្រសហគ្រាសទាំងអស់ត្រូវបានឈប់សំរាកពីការងារដើម្បីទៅជួបជុំញាតិមិត្ត ក្រុមគ្រួសារ និងរៀបចំផ្ទះសម្បែង…
ខេត្តកំពត ៖ ក្នុងឱកាសបុណ្យចូលឆ្នាំប្រពៃណីជាតិខ្មែរខិតជិតចូលមកដល់នាពេលដ៍ខ្លីប៉ុន្មានថ្ងៃខាងមុខនេះ មន្ត្រីរាជការ កម្មករ និយោជិក គ្រប់ស្ថាប័ន និងរោងចក្រសហគ្រាសទាំងអស់ត្រូវបានឈប់សំរាកពីការងារដើម្បីទៅជួបជុំញាតិមិត្ត ក្រុមគ្រួសារ និងរៀបចំផ្ទះសម្បែង ម្ហូបអាហារ ផ្កាភ្ញី ចាំទទួលទេវតាឆ្នាំថ្មី ប្រពៃណីជាតិខ្មែរ ឆ្នាំមមែ សប្តស័ក្តិ ព-ស 2559 ។
នៅក្នុងឱកាសនេះដែរ ដើម្បីចូលរួមអបអរសាទរពិធីបុណ្យចូលឆ្នាំប្រពៃណីជាតិខ្មែរ លោក វ៉ាង ប្រេង (wang – preng) អគ្គនាយកក្រុមហ៊ុនរោងចក្រហ័រស៊ីនចក្រីទីងកំពត កម្ពុជា បានដឹកនាំប្រតិភូបុគ្គលិក កម្មករ-កម្មការិនីបច្ចេកទេសក្នុងរោងចក្រ ចុះសួរសុខទុក្ខដល់ក្រុមគ្រួសារក្រីក្រ និងទុរគតជន ចំនួន៣០ គ្រួសារក្នុងឃុំពីរ នៃស្រុកទឹកឈូ ។
ក្នុងការចុះសួរសុខទុក្ខនាពេលនោះ លោកបាននាំអំណោយជាគ្រឿងឧបភោគ បរិភោគ មាន អង្ករ មី ទឹកស៊ីអ៊ីវ ទឹកត្រី ប៊ីចេង ត្រីខកំប៉ុង និងជួយឧបត្ថម្ភកៅអីសិស្សអនុវិទ្យាល័យ រោងចក្រចំនួន២០កៅអី ជួយឧបត្ថម្ភទូដាក់ឯកសារមួយ និងតុសរសេរពីរដល់ប៉ុស្តិ៍នគរបាលរដ្ឋបាលឃុំកណ្តោល ។
អំណោយដែលត្រូវចែកជូនដល់ពលរដ្ឋក្រីក្រ និងទុរគតជនទាំង៣០គ្រួសារ ក្នុងមួយគ្រួសារៗទទួលបាន អង្ក ២៥គីឡូក្រាម មី១០កញ្ចប់ ទឹកស៊ីអ៊ីវ៦យួរ ទឹកត្រី៦យួរ ត្រីខ៦កំប៉ុង ប៊ីចេង១គីឡូក្រាម និងថវិកា១០ម៉ឺនរៀល៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ