រាជធានីភ្នំពេញ ៖ កម្លាំងប្រជាការពារសង្កាត់ភ្នំពេញ បានប្រើរថយន្តស្ទូចដែកសរសៃចំនួន២ដុំដែលមានទម្ងន់រាប់តោន ជាមួយម៉ាស៊ីនភ្លើង១គ្រឿង ដោយសារតែអាជ្ញាធរបានជូនដំណឹង និងដើរប្រាប់ម្ចាស់ទីតាំងលក់គ្រឿងសំណង់ជាច្រើនដងហើយ កុំឱ្យដាក់តាំងសម្ភារផ្សេងៗមកលើផ្លូវសាធារណៈ បង្កឱ្យគ្មានសណ្តាប់ធ្នាប់ និងការកកស្ទះចរាចរណ៍ជាខ្លាំង រួមទាំងប៉ះពាល់បរិស្ថានផងដែរ កាលពីវេលាព្រឹកថ្ងៃទី៧ មេសា ២០១៥ នេះ ស្ថិតនៅតាមបណ្តោយផ្លូវ១៩៨៦ ក្នុងភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ ។
លោកជុំ សារ៉ាយ ចៅសង្កាត់ភ្នំពេញថ្មី បានបញ្ជាក់ថា មុននឹងអាជ្ញាធរចាត់វិធានការ ដោយយករថយន្តទៅស្ទូចយកគ្រឿងសំណង់របស់ម្ចាស់ហាងយីហោ «ហេង រតនា» នេះ កន្លងមកអាជ្ញាធរបានចេញសេចក្តីជូនដំណឹងពីភាពប៉ះពាល់ការដាក់សម្ភាររំលោភមកលើផ្លូវសាធារណៈ និងបង្កការស្ទះលូ ពេលមានភ្លៀងម្តងៗថែមទៀត ។
ជាមួយនិងការដែលអាជ្ញាធរជូនដំណឹងជាច្រើនដងហើយ ម្ចាស់ទីតាំងមិនបានអនុវត្តតាម ទើបអាជ្ញាធរប្រើធម៌ក្តៅបែបនេះ ។ លោកបញ្ជាក់ទៀតថា កន្លងមក អាជ្ញាធរសង្កាត់ភ្នំពេញថ្មី បានចេញសេចក្តីជូនដំណឹងដល់អ្នកភូមិរស់នៅតាមដងផ្លូវ១៩៨៦ ផ្លូវ១៩២៨ ផ្លូវ១០១៩ និងផ្លូវ២០១១ ដោយមិនអនុញ្ញាតឱ្យអ្នកភូមិលក់ដូររំលោភមកលើផ្លូវសាធារណៈ និងដាក់ស្លាកយីហោលើចិញ្ចើមផ្លូវ និងគ្មានការអនុញ្ញាត ។
សូមបញ្ជាក់ថា រំដោះចិញ្ចើមផ្លូវ អាជ្ញាធររាជធានីត្រៀមចាត់វិធានការក្តៅរៀបចំសណ្តាប់ធ្នាប់សាធារណៈ
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ