ខេត្តប៉ៃលិន ៖ ផ្ទះឈើប្រក់ស័ង្កសីមានទំហំ១២ម៉ែត្រ គុណនិង៨ម៉ែត្រមួយខ្នង ត្រូវបានអគ្គិភ័យឆាបឆេះអស់ទាំងស្រុង បង្កឱ្យភ្ញាក់ផ្អើលកាលពីវេលាម៉ោង២រសៀលថ្ងៃទី០២ មេសា ២០១៥ នេះ ស្ថិតនៅភូមិបតាំងស៊ូ សង្កាត់បយ៉ាខា ក្រុងប៉ៃលិន ខណៈដែលត្រូវគេសង្ស័យថា អាចបណ្តាលមកពីម្ចាស់ផ្ទះបង្កាត់ភ្លើងដាំបាយចោល រួចទៅចម្ការ ។
ប្រភពបានឱ្យដឹងថា ម្ចាស់ផ្ទះត្រូវបានស្គាល់ឈ្មោះគាម កើយ (ជាប្តី) អាយុ៧៨ឆ្នាំ និងប្រពន្ធឈ្មោះស៊ុយ អឿន អាយុ៦៥ឆ្នាំ ទាំង២នាក់មានទីលំនៅក្នុងភូមិកើតហេតុខាងលើ ។
ប្រភពបន្តថា ក្នុងហេតុការណ៍ភ្លើងឆេះនោះ ត្រូវបានរថយន្តពន្លត់អគ្គិភ័យរបស់ស្នងការនគរបាលខេត្តប៉ៃលិន ជួយបាញ់ពន្លត់អស់ចំនួន២គ្រឿងផងដែរ តែទោះបីជាយ៉ាងណា ផ្ទះនោះត្រូវបានភ្លើងឆេះអស់គ្មានសល់ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ