ខេត្តក្រចេះ ៖ នគរបាលស្រុកចិត្របុរីបានឲ្យដឹងថា ក្រុមជនដៃដល់ដែលបានលួចគោអ្នកស្រុកចំនួន៣ក្បាលយកទៅកាប់ពន្លះសាច់ច្រកការុងនៅក្នុងព្រៃខាងក្រោយឃុំដារ ស្រុកចិត្របុរី នគរបាលបានកំណត់លើមុខសញ្ញាបានអស់ហើយ។
សត្វគោឈ្មោលធំៗរបស់អ្នកភូមិសេរីភាព ឃុំដារ មានចំនួន៣ក្បាល ត្រូវបានជនមិនស្គាល់មុខលួចដឹកយកទៅកាប់ពន្លះយកសាច់ច្រកចូលការុងនៅក្នុងព្រៃខាងក្រោយភូមិ ចម្ងាយជាង៥រយមែត្រពីភូមិ តែរកឱកាសយកចេញមិនបានក៏ត្រូវនគរបាលរុករកប្រទះឃើញនៅរសៀលថ្ងៃទី១ មេសា ។
យ៉ាងណាក៏ដោយ ក្រោយពីមានការប្រទះឃើញនូវសាកសពគោឈ្មោលទាំងបីក្បាល ព្រមទាំងសាច់ និងក្បាលគោ ដែលត្រូវជនមិនស្គាល់មុខលួចដឹកយកមកកាប់ពន្លះសាច់ច្រកការុងទាំងចំនួនជាង១០ការុងនេះ ត្រូវបាននគរបាលស្រុកប្រគល់ទៅឲ្យម្ចាស់គោវិញហើយ៕
ចែករំលែកព័តមាននេះ