ខេត្តព្រះសីហនុ៖ ជនជាតិរ៉ុស្ស៊ីម្នាក់ដែលគេអះអាងថា ជាមេក្រុមជនល្មើសបា.ញ់បោះសេរីនៅក្បែរភោជនីយដ្ឋានឆ្នេរម្លប់ជ្រៃកាលពីកំឡុងខែកុម្ភៈកន្លងមក ត្រូវបានសមត្ថកិច្ចនៃស្នងការដ្ឋាននគរបាលខេត្តព្រះសីហនុ ចាប់ខ្លួនបានហើយ
ខេត្តព្រះសីហនុ៖ ជនជាតិរ៉ុស្ស៊ីម្នាក់ដែលគេអះអាងថា ជាមេក្រុមជនល្មើសបាញ់បោះសេរីនៅក្បែរភោជនីយដ្ឋានឆ្នេរម្លប់ជ្រៃកាលពីកំឡុងខែកុម្ភៈកន្លងមក ត្រូវបានសមត្ថកិច្ចនៃស្នងការដ្ឋាននគរបាលខេត្តព្រះសីហនុ ចាប់ខ្លួនបានហើយ កាលពីល្ងាចថ្ងៃទី៣១ មីនា តាមដីការលេខ៣៣៩ ចុះថ្ងៃទី១៩ មីនា ២០១៥ ដោយលោកស្រី លី សូដាណែត។
យោងតាមដីការសន្និដ្ឋានបញ្ជូនរឿងឱ្យស៊ើបសួរ លេខ៤០២ ចុះថ្ងៃទី១៦ កុម្ភៈ ២០១៥ របស់តំណាងអយ្យការអមសាលាដំបូងខេត្តព្រះសីហនុ ឱ្យធ្វើការស៊ើបសួរលើឈ្មោះ ANDREI TCEKHANSKII ហៅស្ទាំងធំ ជាជនជាតិរុស្ស៊ី ភេទប្រុស កើតថ្ងៃទី២២កុម្ភៈ ១៩៧៩ ទីលំនៅបច្ចុប្បន្នស្នាក់នៅក្រុម២៧ ភូមិ៣ សង្កាត់លេខ៣ ក្រុង-ខេត្តព្រះសីហនុ កាន់លេខ ៦៤N៩២១២៧៤៥ សុពលភាពថ្ងៃទី០៦ ធ្នូ ២០១៨ ត្រូវបានចោទប្រកាន់ពីបទហិង្សាដោយចេតនាមានស្ថានទម្ងន់ទោស ប្រព្រឹត្តនៅភូមិ៣ សង្កាត់លេខ៣ ក្រុង ខេត្តព្រះសីហនុ កាលពីថ្ងៃទី១៣ កុម្ភៈ ២០១៥ បទល្មើសដែលមានចែងឱ្យផ្តន្ទាទោសតាមមាត្រា ២១៨នៃក្រមព្រហ្មទណ្ឌ។
គួររំលឹកផងដែរថា កាលពីថ្ងៃទី១៣ កុម្ភៈ ២០១៥ នៅក្បែរភោជនីយដ្ឋានឆ្នេរម្លប់ជ្រៃ ស្ថិតក្នុងភូមិ៣ សង្កាត់លេខ៣ ក្រុង ខេត្តព្រះសីហនុ មានហេតុការណ៍បាញ់បោះសេរី និងវាយតប់គ្នារវាងជនបរទេស២ក្រុមបណ្តាលឱ្យមនុស្ស២នាក់រងរបួសធ្ងន់ និងស្រាល ហើយជនបង្កបានរត់គេចខ្លួនបាត់ស្រមោល ។ ក្រោយមកបាន២ថ្ងៃ សមត្ថកិច្ចបានឃាត់ខ្លួនមនុស្សចំនួន២នាក់បញ្ជូនទៅកាន់សាលាដំបូងខេត្ត ហើយនៅថ្ងៃទី៣១ មីនា ២០១៥ សមត្ថកិច្ចបានបន្តចាប់ខ្លួនមនុស្សម្នាក់ទៀតបញ្ជូនទៅកាន់ពន្ឋធនាគារខេត្ត ដើម្បីឃុំខ្លួនរង់ចាំបើកសវនការផ្តន្ទាទោសតាមច្បាប់៕
ចែករំលែកព័តមាននេះ