រាជធានីភ្នំពេញ ៖ បុរសចំណាស់ម្នាក់រងរបួសធ្ងន់ ខណៈពេលជិះម៉ូតូវាងគេចជង្ហុកត្រូវរថយន្តសាមុយបើកបុកកង់មុខម៉ូតូធ្វើឲ្យវៀចកម៉ូតូ ។ ហេតុការណ៍នេះបានកើតឡើងកាលពីវេលាម៉ោង៨ និង១៥នាទីយប់ ថ្ងៃទី៣១ មីនា
រាជធានីភ្នំពេញ ៖ បុរសចំណាស់ម្នាក់រងរបួសធ្ងន់ ខណៈពេលជិះម៉ូតូវាងគេចជង្ហុកត្រូវរថយន្តសាមុយបើកបុកកង់មុខម៉ូតូធ្វើឲ្យវៀចកម៉ូតូ ។ ហេតុការណ៍នេះបានកើតឡើងកាលពីវេលាម៉ោង៨ និង១៥នាទីយប់ ថ្ងៃទី៣១ មីនា តាមផ្លូវលេខ២០០៤ ភូមិត្រពាំងល្វា សង្កាត់កាកាប ខណ្ឌពោធិ៍សែនជ័យ ។
ប្រភពព័ត៌មានបានឲ្យដឹងថា មុនពេលកើតហេតុម៉ូតូរងគ្រោះម៉ាកស្មាសវី ពណ៌ខ្មៅ បើកបរដោយបុរសវ័យជាង៤០ឆ្នាំ តាមផ្លូវលេខ២០០៤ ពីកើតទៅលិច មកដល់ចំណុចខាងលើផ្លូវក្រហេងក្រហូងធំៗពេកអ្នកបើកម៉ូតូបានបើកវាងទៅខាងឆ្វេងដៃដើម្បីគេចជង្ហុក ស្រាប់តែរថយន្តសាមុយមិនចាំមន្ទីរពេទ្យ ឬគ្លីនិកឯកជនមួយគ្រឿងបើកស្របទិសគ្នាមកពីក្រោយបម្រុងឡើងវ៉ាម៉ូតូក៏បុកបញ្ឆិតម៉ូតូចំកង់មុខបណ្តាលឲ្យដួលវៀច.កម៉ូតូ ចំណែកអ្នកបើកម៉ូតូដួលរហែកខោ និងរយះភ្លៅខាងឆ្វេង រីឯរថយន្តបង្កបើករត់គេចបាត់ស្រមោល នៅសល់តែម៉ូតូដែលវៀចកង់មុខបណ្តើរទៅមុខលែងរួច និងអ្នករងបួស។
ក្រោយពេលកើតហេតុអ្នករងគ្រោះត្រូវរថយន្តសង្គ្រោះគ្លីនិកឯកជនដឹកយកទៅព្យាបាល ចំណែកម៉ូតូ ត្រូវសមត្ថកិច្ចយកទៅរក្សាទុកនៅអធិការដ្ឋានខណ្ឌ ៕
ចែករំលែកព័តមាននេះ