រាជធានីភ្នំពេញ៖ការ៉ាសផ្ញើកង់ម៉ូតូ២កន្លែងមានច្បាប់និង១កន្លែងទៀតកំពុងតែអត់ច្បាប់ហើយបានដំណើរការយ៉ាងរលូននៅផ្សារដើមគក្នុងសង្កាត់ផ្សារដើមគ ខណ្ឌទួលគោក រាជធានីភ្នំពេញ ។ ជាមួយនិងសេវាកម្មក្រោមបន្ទុកមើលការខុសត្រូវពីមន្ទីរសេដ្ឋកិច្ចនិងហិរញ្ញវត្ថុរាជធានីភ្នំពេញហាក់បីដូចជាឆកល្វែងមិនបានគិតគូរនិងមានការចុះតាមដានត្រួតពិនិត្យឲ្យដិតដល់ចំពោះការ៉ាស់ផ្ញើម៉ូតូកង់ម៉ូតូដែលកំពុងតែល្មើសយកលុយពីប្រជាពលរដ្ឋផ្ញើកង់ម៉ូតូ១គុណ៣ដងលើសនិងសៀវភៅបន្ទុករបស់ក្រសួងសេដ្ឋកិច្ចនិងហិរញ្ញវត្ថុ ។
យោងលិខិតពីទំព័រកាលពីថ្ងៃទី២៧ ខែធ្នូ ឆ្នាំ២០១៣ចុះហត្ថលេខាដោយលោកប៉ា សុជាតិវង្ស អភិបាលរាជធានីភ្នំពេញបានជម្រាប់ទៅអស់លោក លោកស្រីជាអ្នកប្រកបអាជីវកម្មម៉ៅការភាស៊ីគ្រប់ប្រភេទនៅក្នុងរាជធានីភ្នំពេញ ក្នុងកម្មវត្ថុបញ្ជាក់ថាការអនុវត្តកិច្ចសន្យានិងសៀវភៅបន្ទុកភាស៊ីគ្រប់ប្រភេទក្នុងរាជធានីភ្នំពេញ ដោយយោងទៅលើកិច្ចសន្យានិងសៀវភៅបន្ទុករបស់ក្រសួងសេដ្ឋកិច្ចនិងហិរញ្ញាវត្ថុ ។
ក្នុងលិខិតរបស់អភិបាលរាជធានីភ្នំពេញ ក៏បានធ្វើការណែនាំដល់អ្នកម៉ៅការភាស៊ី និងអ្នកម៉ៅការបន្តទាំងអស់ត្រូវគោរព និងអនុវត្តត្រឹមត្រូវតាមចំនួន៤ចំណុចទី១ ត្រូវអនុវត្តយកតម្លៃភាស៊ីឲ្យបានត្រឹមត្រូវ ដោយមិនអនុញ្ញាតឲ្យយកតម្លៃលើស ឬយកតម្លៃអ្វីបន្ថែមដែលគ្មានចែងក្នុងសៀវភៅបន្ទុកឡើយ ទោះតាមរូបភាពណាក៏ដោយ ។ទី២ត្រូវលើកស្លាកតម្លៃនៅតាមច្រកចេញចូល ទីតាំងប្រមូលភាស៊ីឲ្យបានត្រឹមត្រូវ និងរឹងមាំងាយស្រួលអតិថិជនមើលឃើញ និងងាយស្រួលដល់ប្រជាពលរដ្ឋធ្វើការតវ៉ា ។ទី៣ ត្រូវប្រើប័ណទារភាស៊ីចេញដោយមន្ទីរសេដ្ឋកិច្ចហិរញ្ញវត្ថុរាជធានីភ្នំពេញ ដែលបានបោះត្រាសម្គាល់លើ៣សន្លឹកក្នុង១ក្បាល និងហាមកោសកែប័ណ ឬសរសេបន្ថែមតម្លៃ ឬប្រើប្រាស់ប័ណទារភាស៊ីដោយបោះពុំខ្លួនឯង ។ទី៤ ភ្នាក់ងារទារភាស៊ីត្រូវស្លៀកពាក់ឯកសណ្ឋានឲ្យបានត្រឹមត្រូវនិងពាក់ប័ណសម្គាល់ខ្លួនដែលចេញដោយមន្ទីរសេដ្ឋកិច្ចនិងហិរញ្ញវត្ថុរាជធានីភ្នំពេញ និងចំណុចទី៥ចំពោះអ្នកម៉ៅការណាដែលបានម៉ៅការបន្តទៅអ្នកផ្សេង ធ្វើអាជីវកម្មជំនួស ត្រូវធ្វើបញ្ចីឈ្មោះអ្នកម៉ៅការបន្តទាំងនោះផ្ញើមកមន្ទីរសេដ្ឋកិច្ចនិងហិរញ្ញវត្ថុរាជធានីភ្នំពេញ ។
អ្វីដែលសំខាន់ក្នុងលិខិតរបស់អភិបាលរាជធានីភ្នំពេញបានព្រមានអ្នកម៉ៅការ ឬអ្នកម៉ៅការបន្តដែលមិនគោរពតាមការណែនាំខាងលើ ពោលល្មើសទី១ត្រូវពិន័យ២០ភារយនៃទឹកប្រាក់ត្រូវបង់ក្នុង១ខែ ល្មើសទី២ត្រូវពិន័យ៥០ភារយនៃទឹកប្រាក់ត្រូវបង់ក្នុង១ខែ ។ហើយបើនៅតែរឹងរូសមិនរាងចាលសាលារាជធានីភ្នំពេញនិងដកហូតសិទ្ឋធ្វើអាជីវកម្មតែម្តង ។
តាមការរអូរទាំពីប្រជាពលរដ្ឋបានឲ្យដឹងថាម្ចាស់ការ៉ាសផ្ញើកង់ ម៉ូតូចំនួន៣កន្លែងនៅផ្សារដើមគបាននៅតែបន្តយកម៉ូតូ១គ្រឿង តម្លៃផ្ញើ១,០០០រៀលនិងកង់១គ្រឿង៥០០រៀល ដែលក្នុងស្លាកសញ្ញាសរសេរម៉ូតូ៣០០រៀល ឯកង់២០០រៀល ។បើទោះបីមានការតវ៉ានៅកន្លែងផ្ញើ ក៏គ្មានអ្នកដោះស្រាយគឺបានត្រឹមតែម្ចាស់ការ៉ាសកង់ស្តីបន្ទោសឲ្យប៉ុណ្ណោះ ។
ពាក់ព័ន្ឋករណីខាងលើលោកសេង សារ៉នប្រធានផ្សារដើមគបានឲ្យដឹងថាលោកធ្លាប់ហៅម្ចាស់ការ៉ាសទាំង៣នាក់ខាងលើមកធ្វើកិច្ចសន្យាមិនឲ្យយកលើសសៀវភៅបន្ទុក ដោយអនុវត្តយកម៉ូតូផ្ញើ១គ្រឿង៣០០រៀល និងកង់១គ្រឿង ២០០រៀល ។តែផ្ទុយទៅវិញម្ចាស់ការ៉ាសផ្ញើកង់ម៉ូតូបែរជាប្រើពាក្យថាគ្មាលុយរាយអាប់ទៅវិញ ។
ចំណែកឯលោកវ៉ា សុធាប្រធានមន្ទីរសេដ្ឋកិច្ចនិងហិរញ្ញវត្ថុរាជធានីភ្នំពេញ ក៏បានបញ្ជាក់ជុំវិញករណីខាងលើថាបើសិនមានម្ចាស់ការ៉ាសផ្ញើកង់ម៉ូតូយកតម្លៃ១,០០០រៀលនិងកង់៥០០រៀលលើសសៀវភៅបន្ទុក ប្រជាពលរដ្ឋត្រូវប្តឹងទៅប្រធានផ្សារ ដើម្បីដកអាជីវកម្មម្ចាស់ការ៉ាសទាំងនោះ ។
ទោះបីយ៉ាងណាប្រជាពលរដ្ឋបានរិះគន់ថាមន្ទីរសេដ្ឋកិច្ចហិរញ្ញវត្ថុរាជធានីភ្នំពេញហាក់បីដូចជាមិនមានការចុះត្រួពិនិត្យ ឲ្យម៉ត់ចត់ ចំពោះការ៉ាសផ្ញើកង់ម៉ូតូនៅផ្សារដើមគ និងមានវិធានការក្តៅចំពោះអ្នកធ្វើអាជីវកម្មដែលមិនបានគោរពច្បាប់ គឺបានត្រឹមតែនិយាយថារងចាំប្រជាពលរដ្ឋប្តឹងទៅវិញ ៕
ចែករំលែកព័តមាននេះ