រាជធានីភ្នំពេញ ៖ បុរសម្នាក់បើករថយន្តក្នុងល្បឿនលឿនឡើងស្ពានអាកាសស្ទឹងមានជ័យ ដែលជាផ្លូវកោងមិនព្រមបន្ថយល្បឿន ក៏ជ្រុលចង្កូត ទៅបុកនិង បង្កាន់ដៃស្ពានកៀបជាប់រថយន្តទៅមុខលែងរួចតែសំណាងល្អ អ្នកបើកបរមិនមានរងរបួស
រាជធានីភ្នំពេញ ៖ បុរសម្នាក់បើករថយន្តក្នុងល្បឿនលឿនឡើងស្ពានអាកាសស្ទឹងមានជ័យ ដែលជាផ្លូវកោងមិនព្រមបន្ថយល្បឿន ក៏ជ្រុលចង្កូត ទៅបុកនិង បង្កាន់ដៃស្ពានកៀបជាប់រថយន្តទៅមុខលែងរួចតែសំណាងល្អ អ្នកបើកបរមិនមានរងរបួស ។ ហេតុការណ៍នេះបានកើតឡើងកាលពីម៉ោងជិត១០ និង៣០នាទីយប់ ថ្ងៃទី៣១ ខែមីនា ឆ្នាំ២០១៥ នៅលើស្ពានអាកាសស្ទឹងមានជ័យ ក្នុងសង្កាត់បឹងសាឡាង ខណ្ឌទួលគោក ។
ប្រភពព័ត៌មាននៅកន្លែងកើតហេតុ បានឱ្យដឹងថា នៅមុនពេលកើតហេតុ គេបានឃើញរថយន្តកាមរី ឆ្លាមមួយគ្រឿង ពណ៌ស្ក បើកបរដោយបុរសម្នាក់ទំនងស្រវឹង បានធ្វើដំណើរតាមផ្លូវលេខ ២៧១ ក្នុងទិសដៅពីជើងទៅត្បូង ដោយរថយន្តបានបន្ថែមល្បឿនឡើងទៅលើស្ពានអាកាសដែលជាផ្លូវកោងមិនព្រមបន្ថយល្បឿន បានរេចង្កួតជ្រុលទៅបុកបង្កាន់ដៃស្ពានកៀបជាប់រថយន្តដាច់កាឡេកង់ឆ្វេងទៅមុខលែងរួចតែម្តង ។
ភ្លាមៗម្ចាស់រថយន្តបង្កបានចុះពីរថយន្តគេចខ្លួនបាត់ស្រមោល ដោយបន្សល់រថយន្តនៅកន្លែងកើតហេតុ សមត្ថកិច្ចចរាចរណ៍បានចុះវាស់វែងរថយន្តបង្កខាងលើស្ទូចយកទៅរក្សាទុកនៅការិយាល័យចរាចរណ៍ផ្លូវគោករាជធានីភ្នំពេញ ៕
ចែករំលែកព័តមាននេះ