ខេត្តមណ្ឌលគិរី ៖ យុវជនជនជាតិព្នងម្នាក់បានស្លាប់ និងប្រពន្ឋត្រូវបានសាច់ញាតិបញ្ជូនទៅសង្គ្រោះបន្ទាន់នៅមណ្ឌលសុខភាពឃុំពូជ្រៃ បន្ទាប់ពីជនរងគ្រោះបានចាប់គីង្គក់យកមកអាំងហូប បណ្តាលឲ្យពុល ។ ហេតុការណ៍នេះបានកើតឡើងកាលពីវេលាម៉ោង៧ និង១៥នាទីយប់ ថ្ងៃទី៣១ ខែមីនា ឆ្នាំ២០១៥ នៅក្នុងភូមិពូតាង ឃុំពូជ្រៃ ស្រុកពេជ្រាដា ។
សមត្ថកិច្ចបានឲ្យដឹងថា ជនរងគ្រោះដែលបាត់បង់ជីវិតនៅពេលដឹកយកទៅសង្គ្រោះនោះឈ្មោះ ហិត ម៉ូម ភេទប្រុស អាយុ២០ឆ្នាំ ជនជាតិព្នង និងប្រពន្ធឈ្មោះខ្លីង ដល អាយុ១៩ឆ្នាំ មានអាការធ្ងន់ធ្ងរកំពុងសម្រាកព្យាបាលនៅមណ្ឌលសុខភាពឃុំពូជ្រៃ ។
សមត្ថកិច្ចនគរបាលបានសន្និដ្ឋានថា ករណីខាងលើនេះបណ្តាលមកពីជនរងគ្រោះហូបសាច់គីង្គក់ដោយទាំងពងទើបបណ្តាលឲ្យមានគ្រោះថ្នាក់បែបនេះ ។
ព័ត៌មានលំអិតនឹងមានផ្សាយជូននៅលើទំព័រសារព័ត៌មានកោះសន្តិភាព
ចែករំលែកព័តមាននេះ