រាជធានីភ្នំពេញ ៖ ផ្ទះឈើមួយកន្លែងត្រូវបានអគ្គិភ័យឆាបឆេះដោយសារទុស្សេកាប៊ីនភ្លើង ហើយសំណាងល្អត្រូវគេជួយពន្លត់ទាន់
មិនបណ្តាលឱ្យឆេះរាលដាលដល់ផ្ទះអ្នកដទៃ កាលពីវេលាម៉ោង១២ និង៣០នាទីរសៀលថ្ងៃទី៣១ មីនា ២០១៥ នេះ ស្ថិតក្នុងសហគមន៍ស្ទឹងប្រាក់ ក្រុមទី៥ ភូមិមានជ័យ១ សង្កាត់ស្ទឹងមានជ័យ ខណ្ឌមានជ័យ ។
ប្រភពបានឱ្យដឹងថា ម្ចាស់ផ្ទះខាងលើឈ្មោះហាក់ ដានី ភេទស្រី អាយុ២៥ឆ្នាំ ។ ប្រភពពីកន្លែងកើតហេតុឱ្យដឹងថា នៅមុនពេលមានអណ្តាតភ្លើងឆាបឆេះឡើង គេឃើញមានផ្សែងហុយខ្មួលខ្មាញ់ចេញពីលំនៅឋានខាងលើ ។ ឃើញដូច្នេះ ប្រជាពលរដ្ឋក៏បានភ្ញាក់ផ្អើលនាំគ្នាចោមរោមមើល ទើបនាំគ្នាសម្រេចទំលុះបង្អួចចូលទៅខាងក្នុង ស្រាប់តែឃើញកាប៊ីនភ្លើងត្រូវទុស្សេ ទើបបង្កជាអណ្តាតភ្លើងឆេះបែបនេះ ។
ភ្លាមនោះ អ្នកស្រុករស់នៅជិតនោះបាននាំគ្នាយកបំពង់ពន្លត់អគ្គីភ័យ ដើម្បីបាញ់ពន្លត់ភ្លាមៗ ដោយមិនឱ្យឆេះរាលដាលដល់លំនៅឋានអ្នកដទៃទេ ។ ក្នុងនោះដែរ ប្រជាពលរដ្ឋបានប្រើបំពង់ពន្លត់អគ្គីភ័យអស់ចំនួន៣០បំពង់ ទើបគ្រប់គ្រងស្ថានភាពបានទាំង
ស្រុង ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ