លោកឧកញ៉ា ថុង អ៊ុយប៉ាង និងលោកជំទាវឧកញ៉ា យីន ផាន្នី អញ្ជើញចូលរួមគោរពវិញ្ញាណក្ខន្ឋលោក ប៉ែន សមិទ្ឋិ
រាជធានីភ្នំពេញ ៖ លោកឧកញ៉ា ថុង អ៊ុយប៉ាង និងលោកជំទាវឧកញ៉ា យីន ផាន្នី ស្ថាបនិកសារព័ត៌មានកោះសន្តិភាព និង លោកស្រី ថុង សុវណ្ណរង្សី
រាជធានីភ្នំពេញ ៖ លោកឧកញ៉ា ថុង អ៊ុយប៉ាង និងលោកជំទាវឧកញ៉ា យីន ផាន្នី ស្ថាបនិកសារព័ត៌មានកោះសន្តិភាព និង លោកស្រី ថុង សុវណ្ណរង្សី
រាជធានីភ្នំពេញ ៖ លោកឧកញ៉ា ថុង អ៊ុយប៉ាង និងលោកជំទាវឧកញ៉ា យីន ផាន្នី ស្ថាបនិកសារព័ត៌មានកោះសន្តិភាព និង លោកស្រី ថុង សុវណ្ណរង្សី អភិបាលសារព័ត៌មានកោះសន្តិភាព នៅល្ងាចថ្ងៃទី៣០ មីនា ២០១៥ បានអញ្ជើញទៅចូលរួមដាក់កម្រងផ្កាគោរពវិញ្ញាណក្ខន្ឋសពលោក ប៉ែន សមិទ្ឋិ ប្រធានក្លឹបអ្នកកាសែតកម្ពុជា និងជានិពន្ឋនាយកសារព័ត៌មានរស្មីកម្ពុជា ដែលបានទទួលមរណភាពនៅម៉ោង៧និង២០នាទីព្រឹកថ្ងៃចន្ទនេះ ដោយរោគាពាធក្នុងជន្មាយុ៥៥ឆ្នាំ ។
សពលោក ប៉ែន សមិទ្ឋិ បាននិងកំពុងតម្កល់ធ្វើបុណ្យតាមប្រពៃណីជាតិ នៅគេហដ្ឋានរបស់លោក ស្ថិតនៅផ្ទះលេខ០១ ផ្លូវ១៤៥ សង្កាត់ផ្សារដើមថ្កូវ ខណ្ឌចំការមន សពនឹងត្រូវបូជានៅវត្តលង្ការវេលាព្រឹកថ្ងៃទី០២ មេសា ២០១៥ ហើយពិធីបុណ្យ៧ថ្ងៃនឹងត្រូវក្រុមគ្រួសារបា្ររព្ឋធ្វើនៅរសៀលថ្ងៃទី០៤ មេសា។
លោក ប៉ែន សមិទ្ឋិ បានដាក់កាយចំណាយពេលវេលាស្ទើរមួយជីវិតរបស់លោកដើម្បីបម្រើការងារលើវិស័យសារព័ត៌មាន និងបានចូលរួមចំណែកយ៉ាងសកម្មក្នុងការបណ្តុះបណ្តាលធនធានមនុស្ស ការបញ្ចេញមតិ លើកកម្ពស់សេរីភាពសារព័ត៌មាន និងលទ្ឋិប្រជាធិបតេយ្យនៅកម្ពុជា។
ការបាត់បង់ជីវិតលោក ប៉ែន សមិទ្ឋិ គឺជាការបាត់បង់ធនធានមនុស្សដ៍ធំធេងក្នុងវិស័យសារព័ត៌មាន ដែលមជ្ឈមណ្ឌលព័ត៌មានកោះសន្តិភាពសូមចូលរួមរំលែកទុក្ខ យ៉ាងក្រៀមក្រំបំផុតនេះជាមួយក្រុមគ្រួសារសាច់ញាតិ និង សូមឲ្យវិញ្ញាណក្ខន្ឋលោកទៅកាន់សុគតិភពកុំបីឃ្លៀងឃ្លាតឡើយ ៕
ចែករំលែកព័តមាននេះ