ខេត្តឧត្តរមានជ័យ ៖ កាលពីព្រឹកថ្ងៃទី២៨ មីនា ២០១៥ នៅក្នុងបរិវេណសាលាស្រុកអន្លង់វែង ជនពិការនិងមន្ត្រីរាជការចូលនិវត្តន៍៨៤០នាក់បានទទួលអំណោយពីនាយឧត្តមសេនីយ៍ផ្កាយ៤គន់ គីម ប្រធានក្រុមការងារថ្នាក់ជាតិ
ខេត្តឧត្តរមានជ័យ ៖ កាលពីព្រឹកថ្ងៃទី២៨ មីនា ២០១៥ នៅក្នុងបរិវេណសាលាស្រុកអន្លង់វែង ជនពិការនិងមន្ត្រីរាជការចូលនិវត្តន៍៨៤០នាក់បានទទួលអំណោយពីនាយឧត្តមសេនីយ៍ផ្កាយ៤ គន់ គីម ប្រធានក្រុមការងារថ្នាក់ជាតិ ដោយមានការចូលរួមពីលោកស ថាវី អភិបាលខេត្តឧត្តរមានជ័យ លោកឧកញាលឹម ហេង ប្រធានក្រុមហ៊ុនកាស៊ីណូ លោកហោ ជិនវរៈយុទ្ធ អភិបាលស្រុកអន្លង់វែង លោកមេបញ្ជាការ លោកមេបញ្ជាការរង កងកំលាំងប្រដាប់អាវុធជាច្រើនរូបទៀត។
លោកហោ ជិនវរៈយុទ្ធ អភិបាលស្រុកអន្លង់វែងបានមានប្រសាសន៍ជូនគណះអធិបតីថា ជនពិការ និងមន្ត្រីរាជការដែលបានចូលនិវត្តន៍នៅក្នុងស្រុកអន្លង់វែងមានចំនួន៨៤០នាក់នេះជាអ្នកបានចូលបម្រើការងារក្នុងកងកំលាំងប្រដាប់អាវុធការពារប្រទេសជាតិមាតុភូមិកាលពីសមយ័សង្គ្រាមរហូតធ្លាក់ខ្លួនពិការមកដល់ពេលនេះ ចំណែកមន្ត្រីរាជការដែលបានបម្រើការងារជូនប្រជាពលរដ្ឋ និងបម្រើការងារជូនសង្គមជាតិមួយចំនួនទៀតបានចូលនិវត្តន៍ត្រូវបានទទួលអំណោយពីនាយឧត្តមសេនីយ៍គន់ គីម ប្រធានក្រុមការងារថ្នាក់ជាតិដែលបានយកចិត្តទុកដាក់ពាំនាំអំណោយចែកជូន។
នាយឧត្តមសេនីយ៍គន់ គីម ប្រធានក្រុមការងារថ្នាក់ជាតិបានមានប្រសាសន៍បន្ថែមទៀតថា បងប្អូនជាជនពិការគ្រប់ៗរូបដែលបានធ្លាក់ខ្លួនពិការ គឺជាអ្នកសេ្នហាជាតិដើម្បីការពារជាតិមាតុភូមិកាលពីសម័យសង្គ្រាមនោះបងប្អូនធ្លាក់ខ្លួនពិការរហូតមកទល់ពេលនេះ ហើយសម្តេចអគ្គមហាសេនាបតីតេជោហ៊ុន សែន រាជរដ្ឋាភិបាលនៃព្រះរាជាណាចក្រកម្ពុជាបានបង្កើតនយោបាយឈ្នះឈ្នះមួយដើម្បីបង្រួបបង្រួមជាតិ គឺមិនឲ្យមានអ្នកឈ្នះ ឬមានអ្នកចាញ់នឹងត្រូវបញ្ចប់នូវសង្គ្រាមស៊ីវិល។
នាយឧត្តមសេនីយ៍គន់ គីមបានមានប្រសាសន៍បន្តថា បន្ទាប់ពីបញ្ចប់សង្គ្រាមហើយបានបន្សល់ទុកនូវជនពិការទាំងសងខាង ដូចជាជនពិការខាងកងទព័ខ្មែរក្រហម និងជនពិការខាងកងទ័ពរបស់រាជរដ្ឋាភិបាល តែទោះជាបែបណាសម្តេចអគ្គមហាសេនាបតីតេជោ ហ៊ុន សែន រាជរដ្ឋាភិបាលនៃព្រះរាជាអណាចក្រកម្ពុជាតែងតែបានយកចិត្តទុកដាក់ ដោយមិនបោះបង់ចោលនូវប្រាក់បៀវត្សន៍ និងមានការជួយឧបត្ថម្ភជាញឹកញាប់ផងដែរ៕
ចែករំលែកព័តមាននេះ