ខេត្តតាកែវ៖ សហភាពសហព័ន្ធយុវជនកម្ពុជានៃរដ្ឋលេខាធិការដ្ឋានអាកាសចរស៊ីវិលដឹកនាំដោយលោក ឡុង ឆេង ប្រធានសហភាពសហព័ន្ធយុវជនកម្ពុជានៃរដ្ឋលេខាធិដ្ឋានអាកាសចរណ៍ស៊ីវិលកម្ពុជាកាលពីរសៀលថ្ងៃទី២៩ មីនា ២០១៥
ខេត្តតាកែវ៖ សហភាពសហព័ន្ធយុវជនកម្ពុជានៃរដ្ឋលេខាធិការដ្ឋានអាកាសចរស៊ីវិលដឹកនាំដោយលោក ឡុង ឆេង ប្រធានសហភាពសហព័ន្ធយុវជនកម្ពុជានៃរដ្ឋលេខាធិដ្ឋានអាកាសចរណ៍ស៊ីវិលកម្ពុជាកាលពីរសៀលថ្ងៃទី២៩ មីនា ២០១៥ បានដឹកនាំប្រតិភូយុវជនចុះធ្វើសកម្មភាពមនុស្សធម៌ ដោយនាំយកថវិកា និងគ្រឿងឧបភោគ បរិភោគទៅចែកជូនដល់ប្រជាពលរដ្ឋក្រីក្រ និងអ្នកមានជំងឺរ៉ាំរ៉ៃ ខ្វះលទ្ធភាពចំនួន៥គ្រួសារ ដែលស្ថិតនៅឃុំអង្គកែវ ស្រុកទ្រាំង ខេត្តតាកែវ។
លោក ឡុង ឆេង មានប្រសាសន៍ថា ប្រជាពលរដ្ឋទាំងអស់ដែលទទួលបានអំណោយនាពេលនោះបានបង្ហាញនូវក្តីសប្បាយរីករាយ និងរំភើបចិត្តក្រៃលែងពេលឃើញយុវជនយើងចុះទៅធ្វើសកម្មភាពមនុស្សធម៌បែបនេះ ព្រោះពួកគាត់គិតថា ជំនួយនោះតិចតួចក្តី ប៉ុន្តែមានសារសំខាន់ណាស់សម្រាប់អ្នកដែលត្រូវការជំនួយជាចាំបាច់សម្រាប់ដោះស្រាយជីវភាពក្នុងគ្រួសារ។
លោកបញ្ជាក់ថា សំភារ ថវិកាដែលនាំមកផ្តល់ជូនប្រជាពលរដ្ឋនាពេលនេះ គឺជាអំណោយដ៏ថ្លៃថ្លារបស់លោកម៉ៅ ហាវណ្ណាល់ រដ្ឋលេខាធិការនៃរដ្ឋលេខាដ្ឋានអាកាសចរណ៍ស៊ីវិល និងលោកហ៊ុន ម៉ានី ប្រធានសហភាពសហព័ន្ធយុវជនកម្ពុជា។
លោក ឡុង ឆេង ក៏បានអំពាវនាវផងដែលដល់យុវជនកម្ពុជាទាំងអស់គួរចូលរួមធ្វើសកម្មភាពមនុស្សធម៌ ខ្មែរជួយខ្មែរនិងដើម្បីអនាគតសម្រាប់ទាំងអស់គ្នា។ នាឱកាសនោះដែរ ដោយមានការសំណូមពរពីប្រជាពលរដ្ឋ លោកឡុង ឆេង បានចុះទៅពិនិត្យមើលប្រព័ន្ធស្រោចស្រពប្រឡាយទឹកដែលគ្មានប្រភពទឹកដើម្បីរាយការណ៍ជូនថ្នាក់ដឹកនាំជួយជីកប្រឡាយឱ្យបានច្រើនតាមដែលធ្វើទៅបានដើម្បីសម្រេចនូវសកម្មភាព ប្រភពទឹកមកជូនប្រជាពលរដ្ឋ៕
ចែករំលែកព័តមាននេះ