រាជធានីភ្នំពេញ ៖ ប្រធានក្លឹបអ្នកកាសែតកម្ពុជានិងនិពន្ឋនាយកសារព័ត៌មានរស្មីកម្ពុជា លោក ប៉ែន សមិទ្ឋិ បានទទួលមរណភាពដោយរោគាពាធ ក្នុងជន្មាយុ ៥៤ឆ្នាំ នៅម៉ោង៦ព្រឹកថ្ងៃទី៣០ មីនា ២០១៥
រាជធានីភ្នំពេញ ៖ ប្រធានក្លឹបអ្នកកាសែតកម្ពុជានិងនិពន្ឋនាយកសារព័ត៌មានរស្មីកម្ពុជា លោក ប៉ែន សមិទ្ឋិ បានទទួលមរណភាពដោយរោគាពាធ ក្នុងជន្មាយុ ៥៤ឆ្នាំ នៅម៉ោង៦ព្រឹកថ្ងៃទី៣០ មីនា ២០១៥ ។
សពលោក ប៉ែន សមិទ្ឋិ បាននិងកំពុងតម្កល់ធ្វើបុណ្យតាមប្រពៃណីជាតិ នៅគេហដ្ឋានរបស់លោក ស្ថិតនៅផ្ទះលេខ០១ ផ្លូវ១៤៥ សង្កាត់ផ្សារដើមថ្កូវ ខណ្ឌចំការមន ។
លោក ប៉ែន សមិទ្ឋិ បានដាក់កាយចំណាយពេលវេលាស្ទើរមួយជីវិតរបស់លោកដើម្បីបម្រើការងារលើវិស័យសារព័ត៌មាន និងបានចូលរួមចំណែកយ៉ាងសកម្មក្នុងការបណ្តុះបណ្តាលធនធានមនុស្ស ការបញ្ចេញមតិ លើកកម្ពស់សេរីភាពសារព័ត៌មាន និងលទ្ឋិប្រជាធិបតេយ្យនៅកម្ពុជា។
ការបាត់បង់ជីវិតលោក ប៉ែន សមិទ្ឋិ គឺជាការបាត់បង់ធនធានមនុស្សដ៍ធំធេងក្នុងវិស័យសារព័ត៌មាន ដែលមជ្ឈមណ្ឌលព័ត៌មានកោះសន្តិភាពសូមចូលរួមរំលែកទុក្ខយ៉ាងក្រៀមក្រំបំផុតនេះជាមួយក្រុមគ្រួសារសាច់ញាតិ និង សូមឲ្យវិញ្ញាណក្ខន្ឋលោកទៅកាន់សុគតិភពកុំបីឃ្លៀងឃ្លាតឡើយ ៕
ចែករំលែកព័តមាននេះ