ខេត្តស្វាយរៀង៖មានការប្រកួតកីឡាបាល់ទាត់មិត្តភាពដើម្បីដកស្រង់បច្ចេកទេសរវាងក្លិបគុជសារកន្ទុយវៃ ជាមួយក្លិបវ៉ៃគោFCលទ្ធផល់ក្រុមកីឡាករក្លិបគុជសារកន្ទុយវៃប្រកួតឈ្នះក្រុមកីឡាករក្លិបវ៉ៃគោFC៥គ្រាប់ទល់និង៣ ។ ការប្រកួតនេះធ្វើឡើងកាលពីថ្ងៃទី២៨ ខែមីនា ឆ្នាំ២០១៥ វេលាម៉ោង៣រសៀលដល់ម៉ោង៥ល្ងាចនៅលើទីលានប្រកួតស្មៅសុបនិមិត្តខ្នាត៩នាក់កីឡាដ្ឋានខេត្តស្វាយរៀងស្ថិតនៅភូមិមេភ្លើង សង្កាត់ស្វាយរៀង ក្រុងស្វាយរៀង ។
បើតាមលោកយ៉ាន់ សាមុតគ្រូបង្វឹកក្លឹបគុជសារកន្ទុយវៃបានមានប្រសាសន៍ថានេះជាការប្រកួតមិត្តភាពដកស្រង់បច្ចេកទេស ដើម្បីត្រៀមចូលរួមប្រកួតកីឡាបាល់ទាត់ស្វាយរៀងខាប់លើកទី១ ឆ្នាំ២០១៥ ដែលនិងប្រព្រឹត្តទៅនៅថ្ងៃទី២៥ ខែមេសា ឆ្នាំ២០១៥ខាងមុខនេះ ។ លោកបន្តទៀតថា លោកសង្ឃឹមថាក្រុមកីឡាករក្លិបគុជសារកន្ទុយវៃរបស់លោកពិតជាអាចទទួលពានរង្វាន់បើតាមការខិតខំហ្វឹកហាត់ហើយនិងការប្រកួតមិត្តភាពដកស្រង់បច្ចេកទេសនៅថ្ងៃ២៨ មីនានេះលទ្ធផល់ក្រុមកីឡាករក្លិបគុជសារកន្ទុយវៃប្រកួតបានល្អយកឈ្នះក្រុមកីឡាករក្លិបវ៉ៃគោFC៥ទល់៣ ។ នៅតង់ទី១ការប្រកួតបានល្អដូចគ្នាគឺលទ្ធផល់២ទល់និង២ស្មើគ្នា ។ ហើយនៅតង់ទី១ការស៊ុតបញ្ចូលទីឲ្យក្លិបគុជសារកន្ទុយវៃគឺដោយកីឡាករពាក់អាវលេខ២១ជូ កន្ធុលនិងកីឡាករពាក់អាវលេខ២៥សួស វិចិត្ត ។ ចូលដល់តង់ទី២ក្រុមកីឡាករក្លិបវ៉ៃគោFCស៊ុតចូលបាន១គ្រាប់នៅនាទីទី១០បន្ទាប់មកក្រុមកីឡាករក្លិបគុជសារកន្ទុយវៃប្តូរកីឡាករបួននាក់ក្នុងនោះកីឡាករសូរ សីហា ជាមេក្រុមបានចូលប្រកួតធ្វើឲ្យការប្រកួតបានល្អរហូតដល់នាទី៣០កីឡាករលេខ៦ភួង រ៉ាឌីស៊ុតបញ្ចូលទីបាន១គ្រាប់ដល់នាទី៤០កីឡាករលេខ២៥សួស វិចិត្តស៊ុតបញ្ចូលទីបាន១គ្រាប់ទៀតនិងនាទី៤៩កីឡាករលេខ២៧វ៉ា បុត្រាស៊ុតបញ្ចូលទីបាន១គ្រាប់ ដូច្នេះក្រុមកីឡាករក្លិបគុជសារកន្ទុយវៃយកឈ្នះក្រុមកីឡាករក្លិបវ៉ៃគោFC៥គ្រាប់ទល់និង៣ ៕
ចែករំលែកព័តមាននេះ