រាជធានីភ្នំពេញ ៖ បុរស២នាក់បានរងរបួសធ្ងន់បែកមុខបែកក្បាលហូរឈាមកាត់ថ្នល់សន្លប់ក្នុងថ្លុកឈាម បន្ទាប់ពីមានរថយន្តបើកបុកពីក្រោយ ខណ:ដែលជនរងគ្រោះកំពុងជិះម៉ូតូឌុបគ្នា ហើយរថយន្តបង្កបាន
រាជធានីភ្នំពេញ ៖ បុរស២នាក់បានរងរបួសធ្ងន់បែកមុខបែកក្បាលហូរឈាមកាត់ថ្នល់សន្លប់ក្នុងថ្លុកឈាម បន្ទាប់ពីមានរថយន្តបើកបុកពីក្រោយ ខណ:ដែលជនរងគ្រោះកំពុងជិះម៉ូតូឌុបគ្នា ហើយរថយន្តបង្កបានព្យាយាមបើករត់គេចបាត់ដោយសុវត្ថិភាព កាលពីវេលាម៉ោង៩ និង៥០នាទីយប់ ថ្ងៃទី២៨ មីនា ២០១៥ ស្ថិតនៅតាមបណ្តោយផ្លូវជាតិលេខ៣ ខាងត្បូងកងពលតូចលេខ៧០ ចំងាយ២០០ម៉ែត្រ ភូមិព្រៃព្រីងត្បូង សង្កាត់ចោមចៅ ខណ្ឌពោធិ៍សែនជ័យ ។
ជនរងគ្រោះ វិន ឈា ភេទប្រុស អាយុ២០ឆ្នាំ ជាអ្នកបើកបរម៉ូតូម៉ាកហុងដា សេ១២៥ ស៊េរី២០១៥ ពណ៌ខ្មៅ ពាក់ស្លាកលេខ ភ្នំពេញ 1CY-7322 និងអ្នករួមដំណើរជាមួយមានឈ្មោះ អ៊ុល ឯល ភេទប្រុស អាយុ២៥ឆ្នាំ ។ ជនរងគ្រោះទាំង២នាក់ ត្រូវជាបងប្អូនជីដូនមួយនឹងគ្នា មានមុខរបរជាកម្មករសំណង់ ស្នាក់នៅក្នុងក្រុមហ៊ុនទល់មុខអង្គភាពកងពលតូចលេខ៧០ ភូមិព្រៃព្រីងត្បូង សង្កាត់ចោមចៅ ចំណែករថយន្តបង្ក តាមប្រជាពលរដ្ឋបានឲ្យដឹងថា ម៉ាកវីហ្គោ ពណ៌ទឹកប្រាក់ ពុំចាំស្លាកលេខ ក្រោយកើតហេតុបើករត់គេចបាត់ស្រមោល ។
តាមសាក្សីឃើញហេតុការណ៍បានឲ្យដឹងថា មុនកើតហេតុ ជនរងគ្រោះជិះម៉ូតូឌុបគ្នា២នាក់បងប្អូនក្នុងទិសដៅពីជើងទៅត្បូង លុះដល់ចំណុចកើតហេតុ ស្រាប់តែមានរថយន្តវីហ្គោបើកពីជើងទៅត្បូង ក្នុងល្បឿនលឿនរេពេញផ្លូវជ្រុលទៅបុកម៉ូតូពីក្រោយបណ្តាលឲ្យប៉ើងទៅបំណែកផ្លូវម្ខាងទៀត និងរងរបួសធ្ងន់ទាំង២នាក់ ម៉ូតូដាច់ស្លាកលេខ និងខ្ទេចមួយកំណាត់ក្រោយ ចំណែករថយន្តបន្ថែមល្បឿនបើករត់គេចបាត់ដោយសុវត្ថិភាព ៕
ចែករំលែកព័តមាននេះ