រាជធានីភ្នំពេញ ៖ បន្ទប់ឡៅតឿផ្ទះលេខ១០២០ដែលជាផ្ទះទទួលធ្វើម្ហូបការ ឬជប់លៀងផ្សេងៗ ស្ថិតក្នុងភូមិខ២ សង្កាត់ច្រាំងចំរេះទី២ ខណ្ឌប្ញស្សីកែវ ត្រូវអគ្គិភ័យឆាបឆេះអស់គ្រឿងក្នុង។ ហេតុការណ៍នេះបង្កឱ្យមានការភ្ញាក់ផ្អើលកាលពីវេលាម៉ោង១០ និង១៥នាទីព្រឹក ថ្ងៃទី២៩ មីនា ២០១៥ ។
ម្ចាស់ផ្ទះដែលត្រូវអគ្គិភ័យឆេះត្រូវគេស្គាល់ឈ្មោះតាំង ស៊ា ហៅចាន់ សារឿន ភេទប្រុស អាយុ៦២ឆ្នាំ ជាអ្នកធ្វើម្ហូបការ។ ទាក់ទិនមូលហេតុនៃអគ្គិភ័យនេះត្រូវបានសមត្ថកិច្ចមូលដ្ឋានឱ្យដឹងថា កើតឡើងដោយសារក្មេងៗយកដែកកេះទៅកេះលេងនៅក្នុងបន្ទប់ឡៅតឿនោះ។
ក្នុងហេតុការណ៍នោះគេឃើញរថយន្តពន្លត់អគ្គិភ័យ២គ្រឿងចេញអន្តរាគមន៍បាញ់ទឹកពន្លត់ទាន់ពេលមិនបណ្តាលឱ្យឆេះរាលដាលដល់ផ្ទះអ្នកជិតខាងទេ គ្រាន់តែឆេះរបស់របរក្នុងបន្ទប់ឡៅតឿតែប៉ុណ្ណោះ៕
ចែករំលែកព័តមាននេះ