ខេត្តប៉ៃលិន ៖ មានគូស្នេហ៍១គូ បន្ទាប់ពីយុវជនម្នាក់ឃើញសង្សារបស់ខ្លួនលេបថ្នាំងងុយដេកអស់ជាងដប់គ្រាប់ កាលពីល្ងាចថ្ងៃទី២៧ មីនា ២០១៥ លុះព្រឹកឡើងក៏ចូលក្នុងបន្ទប់សំងំផឹកថ្នាំពុលកំចាត់ស្មៅប្រភេទទឹក (ផែនធារ៉ា) អស់ជាច្រើនប៉ងបញ្ចប់ជីវិតខ្លួនឯង
ខេត្តប៉ៃលិន ៖ មានគូស្នេហ៍១គូ បន្ទាប់ពីយុវជនម្នាក់ឃើញសង្សារបស់ខ្លួនលេបថ្នាំងងុយដេកអស់ជាងដប់គ្រាប់ កាលពីល្ងាចថ្ងៃទី២៧ មីនា ២០១៥ លុះព្រឹកឡើងក៏ចូលក្នុងបន្ទប់សំងំផឹកថ្នាំពុលកំចាត់ស្មៅប្រភេទទឹក (ផែនធារ៉ា) អស់ជាច្រើនប៉ងបញ្ចប់ជីវិតខ្លួនឯង ដោយសារដោយសារឪពុកម្តាយទាំងសងខាងឈ្លោះប្រកែកមិនរាប់រកគ្នានៅក្នុងភូមិតែមួយ លុះពេលដឹងថា ពួកគេស្រឡាញ់គ្នាក៏ព្យាយាមបំបែក ទើបបង្កើតទៅជាម្នាក់លេបថ្នាំ ម្នាក់ផឹកថ្នាំពុលបញ្ចប់ជីវិត តែសំណាងល្អបានបងប្អូនឃើញទាន់ក៏ដឹកទៅសង្គ្រោះនៅមន្ទីរពេទ្យបង្អែកខេត្ត ។
ហេតុការណ៍នេះ កើតឡើងកាលពីវេលាម៉ោង៨ និង៣០នាទីព្រឹកថ្ងៃទី២៨ មីនា ២០១៥ ស្ថិតនៅក្នុងផ្ទះរបស់ខ្លួន ក្នុងភូមិលាវ ឃុំសាលាក្រៅ ស្រុកសាលាក្រៅ ។
យុវជនរងគ្រោះឈ្មោះ តាត សារ៉ាម អាយុ២៦ឆ្នាំ ផឹកថ្នាំពុលបាញ់ស្មៅប្រភេទទឹកអស់ជាច្រើននៅក្នុងបន្ទប់ផ្ទះរបស់ខ្លួន រីឯនារីជា
សង្សា ឈ្មោះសុង គឹមសែ អាយុ២១ឆ្នាំ ជាកសិករ ទាំង២នាក់រស់នៅភូមិជាមួយគ្នាខាងលើ ។
ប្រភពព័ត៌មានបានឱ្យដឹងថា សង្សា១គូនេះបានរាប់អានរហូតឈានទៅដល់ក្លាយស្រឡាញ់គ្នាជាយូរខែឆ្នាំមកហើយ តែឪពុកម្តាយរបស់ពួកគេទាំងសងខាងមានទំនាស់រវាងគ្នានឹងគ្នា លុះឃើញកូននិងកូនចាប់ចិត្តស្រឡាញ់គ្នាបែបនេះ ក៏ចាប់ផ្តើមបំបែកគេមិនឱ្យជួបគ្នាបន្តទៀតនោះឡើយ ។ ប្រភពបានបន្តទៀតថា នៅល្ងាចថ្ងៃកើតហេតុនារីរងគ្រោះត្រូវជាសង្សារ ត្រូវឪពុកម្តាយរបស់ខ្លួន ជេរស្តីបន្ទោសយ៉ាងខ្លាំង ដោយហាមឱ្យនាងបញ្ឈប់មានទំនាក់ទំនងស្នេហាជាមួយយុវជនរងគ្រោះខាងលើ ។
តែទោះបីជាឪពុកម្តាយចាស់ទុំមានទំនាស់នឹងគ្នាក៏ដោយពួកគេជាកូនមិនដឹងរឿងអ្វីនោះទេ គឺចាប់ចិត្តស្រឡាញ់ទៅវិញទៅមកស្ទើរតែបាត់មុខ១ថ្ងៃមិនបានឡើយ ។ លុះពេលដឹងថា ពុកម្តាយនាងពង្រាត់យុវជនជាសង្សាចេញពីបេះដូងបែបនេះ ទើបនាងគិតខ្លី ដោយកាលពីវេលាម៉ោង៧ និង៣០នាទីយប់ថ្ងៃទី២៧ ខែមីនា បានទៅទិញយកថ្នាំងងុយដេក មកលេបអស់ជាង១០គ្រាប់ ដើម្បីបញ្ចប់ជីវិត ។
តែសំណាងល្អ ខណៈនាងកំពុងតែក្អួតចង្អោរក្នុងបន្ទាប់ ត្រូវបានឪពុកម្តាយបើកទា្វរឃើញទាន់ ក៏ដឹកតាមម៉ូតូយក ទៅសង្គ្រោះនៅមន្ទីរពេទ្យបង្អែកខេត្តទាន់ពេល ដោយមានយុវជនជាសង្សារចូលទៅមើលថែ រក្សា លុះព្រឹកឡើងនាងក៏ត្រឡប់ទៅផ្ទះវិញ ។
ប្រភពដដែលបានឱ្យដឹងតៀតថា ចំណែកយុវជនមានឈ្មោះ តាត សារ៉ាម ពេលឃើញសង្សារបស់ខ្លួនលេបថ្នាំប៉ងធ្វើអត្តឃាតព្រោះតែនាងមានចិត្តស្មោះ លុះទៅដល់ផ្ទះវិញនៅព្រឹ កថ្ងៃកើតហេតុ យុវជនរងគ្រោះ ក៏បានរត់ទៅទាញយកដបថ្នាំកំចាត់ស្មៅប្រភេទផែនធារ៉ា ដែលឪពុកម្តាយរក្សាទុកនៅក្នុងផ្ទះមកផឹកអស់ជិតកន្លះលីត្រ លុះពេលក្អួតចង្អោរក៏ត្រូវសាច់ញាតិឃើញទាន់ ដឹកតាមម៉ូតូបញ្ជូនទៅសង្គ្រោះនៅមន្ទីរពេទ្យបង្អែកខេត្តផងដែរ តែសង្សាររប ស់គេមិនបានមកមើលថែរក្សានោះទេ ប្រហែលជានាងស្តាប់តាមឪពុកម្តាយ បញ្ចប់ទំនាក់ទំន ងគ្នាតែម្តង ។
លោកវេជ្ជបណ្ឌិតប្រចាំការនៅក្នុងមន្ទីរពេទ្យបង្អែកខេត្តបានបង្ហើបឱ្យដឹងថា នារីរងគ្រោះមិនមានប៉ះពាល់អ្វីធ្ងន់ធ្ងរនោះទេ រីឯយុវជនជាសង្សាមានសភាពធ្ងន់ធ្ងរដោយផឹកថ្នាំពុលបាញ់ស្មៅប្រភេទទឹក តែសំណាងល្អត្រូវក្រុមគ្រួសារដឹកយកមកមន្ទីរពេទ្យទាន់ពេលវេលា ។ លោកគ្រូពេទ្យបញ្ជាក់ទៀតថា ថ្នាំពុលនេះមានសារជាតិខ្សោយជាងថ្នាំពុលទឹកខៀវ និងថ្នាំពុ លប្រភេទទឹកឃ្មុំ ។ ប៉ុន្តែបើជនរងគ្រោះផឹកថ្នាំពុលនេះរួច ទៅហូបស្រា ថ្នាំនេះនឹងជម្រុញកាន់ តែខ្លាំងឱ្យជ្រាបចូលដល់ក្នុងសារពាង្គកាយ ក៏អាចបណ្តាលឱ្យស្លាប់ដូចគ្នាផងដែរ ៕
ចែករំលែកព័តមាននេះ