ខេត្តប៉ៃលិន ៖ ស្ត្រីម្នាក់ដោយសារតែតូចចិត្តនឹងប្តីប្រមឹកវា.យដំច្រំធាក់ជារៀងរាល់ថ្ងៃ ក៏ដាច់ចិត្តរត់ទៅទាញយកថ្នាំពុលបា.ញ់ស្មៅ ប្រភេទទឹកខៀវនៅក្នុងបន្ទប់ផ្ទះរបស់ខ្លួនទៅសំងំផឹក លុះប្តីធុំក្លិនថ្នាំពុល និងឮនាងក្អួតចង្អោរ ក៏ឡើងទៅមើលឃើញ ក៏ទាត់ប៊ីដុង
ខេត្តប៉ៃលិន ៖ ស្ត្រីម្នាក់ដោយសារតែតូចចិត្តនឹងប្តីប្រមឹកវាយដំច្រំធាក់ជារៀងរាល់ថ្ងៃ ក៏ដាច់ចិត្តរត់ទៅទាញយកថ្នាំពុលបាញ់ស្មៅ ប្រភេទទឹកខៀវនៅក្នុងបន្ទប់ផ្ទះរបស់ខ្លួនទៅសំងំផឹក លុះប្តីធុំក្លិនថ្នាំពុល និងឮនាងក្អួតចង្អោរ ក៏ឡើងទៅមើលឃើញ ក៏ទាត់ប៊ីដុងចេញ រួចក៏ប្រញាប់ហៅអ្នកជិតខាងឱ្យបញ្ជូនទៅសង្គ្រោះនៅមន្ទីរពេទ្យបង្អែកខេត្ត ។
ហេតុការណ៍ខាងលើកើតឡើងកាលពីវេលាម៉ោង៨ និង៣០នាទីយប់ថ្ងៃទី២៧ មីនា ២០១៥ ស្ថិតនៅក្នុងភូមិអូរអិល ឃុំស្ទឹងកាច់ ស្រុកសាលាក្រៅ ។
ប្រភពបានឱ្យដឹងថា ស្ត្រីរងគ្រោះឈ្មោះសន សារីម អាយុ៤៩ឆ្នាំ ជាកសិករ មានប្តីឈ្មោះព្រាប លឿង អាយុ៥២ឆ្នាំ មានកូនចំនួន៦នាក់ (ប្រុស៣ ស្រី៣) ទាំងពីរនាក់រស់នៅភូមិកើតហេតុខាងលើ ។
បើតាមពីសាច់ញាតិស្ត្រីរងគ្រោះបានរៀបរាប់ឱ្យដឹងថា មុនពេលកើតហេតុ បុរសជាប្តីបានដើរមកពីមើលគេលេងកីឡាប្រដាល់នៅក្នុងភូមិ ហើយបានផឹកស្រាស្រវឹងជោកជាំ ដោយមកទាររកលុយពីប្រពន្ធចំនួន១០.០០០រៀល យកទៅបន្តផឹកស្រាទៀត ។
ពេលនោះស្ត្រីរងគ្រោះមិនព្រមឲ្យ ក៏ដេញចាប់វាយដំធ្វើបាបរហូតដល់សន្លប់នៅនឹងកន្លែង លុះមួយសន្ទុះទើបដឹងខ្លួន ហើយភ្លាមៗនោះដែរ ត្រូវបានអ្នកជិតខាងជួយចាប់ឃាត់ផងដែរ ។ ប្រភពដដែលបានឱ្យដឹងទៀតថា ក្រោយមកបុរសជាប្តីបម្រុងនឹងបើកម៉ូតូ ជាន់លើស្ត្រីរងគ្រោះបន្ថែមទៀត តែត្រូវបងប្អូនជួយទាន់ពេល ។
ប្រភពដដែលបានបន្តទៀតថា ក្រោយមកស្រាប់តែស្ត្រីរងគ្រោះរត់ឡើងទៅសំងំលើផ្ទះ ហើយទាញយកថ្នាំពុលបាញ់ស្មៅប្រភេទទឹកខៀវ មកផឹកអស់ចំនួន៣កូនកែវ ។ ពេលនោះផងដែរ បុរសជាប្តីក៏រត់ឡើងទៅលើផ្ទះ ឃើញប្រពន្ធកំពុងផឹកថ្នាំពុល ក៏យកជើងទាត់ប៊ីដុងថ្នាំពុលចេញ បណ្តាលឱ្យធ្លាក់មកក្រោម ។ ពេលនោះបានបងប្អួនឈរនៅខាងក្រោមផ្ទះឃើញ ក៏មានការភ្ញាក់ផ្អើល ហើយក៏ស្ទុះឡើងទៅមើល ឃើញស្ត្រីរងគ្រោះមានអាការៈក្អួតចង្អោរ ស្លេកស្លាំង សន្លប់នៅនឹងកន្លែង ព្រមទាំងធុំក្លិនថ្នាំពុល ទើបនាំគ្នាដឹកយកទៅសង្គ្រោះនៅមន្ទីរពេទ្យបង្អែកខេត្តតែម្តង ។
ចំណែកវេជ្ជបណ្ឌិតប្រចាំការក្នុងមន្ទីរពេទ្យបង្អែកខេត្តបានឱ្យដឹងថា ថ្នាំពុលប្រភេទទឹកខៀវនេះ កាចសាហាវណាស់ ជាប្រភេទលេខ១នៅប្រទេសថៃ សូម្បីតែជនជាតិរបស់គេនៅពេលផឹកថ្នាំពុលនេះរួច គឺមិនសង្ឃឹមរស់នោះឡើយ ពោលគឺឱ្យតែផឹកដល់ក្នុងក្រពះហើយថ្នាំនេះនឹងកាត់ផ្តាច់សាច់ខាងក្នុងក្អួតចេញមកខាងក្រៅទាំងដុំៗតែម្តង ។
ដូច្នេះស្ត្រីខាងលើនេះ មានសង្ឃឹមតិចតួចបំផុត បើសិនជារស់នៅយ៉ាងយូរ គឺត្រឹមតែរយៈពេល១អាទិត្យប៉ុណ្ណោះ ត្រូវតែស្លាប់ចោលប្តីនិងកូនប្រុសស្រីទាំង៦នាក់នេះជាក់ជាមិនខានឡើយ ៕
ចែករំលែកព័តមាននេះ