ខេត្តបន្ទាយមានជ័យ ៖ បុរសពិការជើងម្នាក់ខណៈនាំប្រពន្ធ-កូនចុះទៅដងទឹកស្រះចៃដន្យបាក់ស្ពាន បណ្តាលលង់ទឹកស្លាប់ ចំណែកប្រពន្ធនិងកូនត្រូវបានអ្នកភូមិជួយសង្គ្រោះទាន់ ដែលហេតុការណ៍នេះបង្កឱ្យភ្ញាក់ផ្អើលកាលពីវេលាម៉ោង១ និង១៥នាទីរសៀលថ្ងៃទី២៧ មីនា ២០១៥ ស្ថិតនៅភូមិគោកតាសុខ ឃុំពន្លៃ ស្រុកភ្នំស្រុក ខេត្តបន្ទាយមានជ័យ ។
ប្រភពបានឱ្យដឹងថា ជនរងគ្រោះដែលស្លាប់ឈ្មោះចូច បាក់ អាយុ៤៥ឆ្នាំ មានទីលំនៅក្នុងភូមិកើតហេតុខាងលើ ។ ចំណែកប្រពន្ធឈ្មោះរឿន រឿប អាយុ៣០ឆ្នាំ និងកូនប្រុសឈ្មោះហុន ឌឹម អាយុ១១ឆ្នាំ ។
ប្រភពដដែលបញ្ជាក់ថា នៅមុនពេលកើតហេតុ បុរសរងគ្រោះបាននាំប្រពន្ធ និងកូនប្រុសទៅដងទឹកស្រះដែលនៅចម្ងាយពីភូមិ១០០ម៉ែត្រយកមកស្រោចដំណាំដែលដាំនៅខាងកើតផ្ទះ ពេលដែលជនរងគ្រោះនិងប្រពន្ធកូនទាំង៣នាក់ ចុះទៅលើស្ពានខ្នងកា្តរដើមត្នោតដែលពុកដាក់នឹងកែងស្រះទឹក ស្រាប់តែបាក់ធ្លាក់ចូលក្នុងទឹកស្រះដែលមានជម្រៅជ្រៅទាំង៣នាក់ ដែលមិនអាចស្រវាជើងមកវិញបាន ពេលនោះប្រពន្ធនិងកូនប្រុសបានស្រែកឱ្យអ្នកជិតខាងមកជួយ ពួកគេបានជួយសង្គ្រោះបានតែប្រពន្ធនិងកូនបានរួចផុតពីសេចក្តីស្លាប់ ចំណែកឯបុរសជាប្តីពិការជើងមិនចេះហែល ទឹកក៏លង់ទឹកស្លាប់តែម្តង ។
ចែករំលែកព័តមាននេះ