ខេត្តស្វាយរៀង ៖ លោកវ៉ាន់ ប៊ុនធឿន តំណាងកាសែតកោះសន្តិភាព បាននាំយកអំណោយសប្បុរសជនចំនួន១០ម៉ឺនរៀល និងប្រាក់ដុល្លារចំនួន១៨០ដុល្លា ទៅផ្តល់ជូនលោកយាយសំ ភូ អាយុ៦៨ឆ្នាំ និងចៅកំព្រាប្រុស-ស្រី៤នាក់ រស់នៅភូមិជិះប្ញស្សី ឃុំកំពង់ចម្លងស្រុក ស្វាយជ្រំ ដើម្បីផ្គត់ផ្គង់ជីវភាព និងការសិក្សា ។
អំណោយសប្បុរសជននេះ បានយកទៅជូនកាលពីវេលាម៉ោង៣រសៀលថ្ងៃទី២៧ មីនា ២០១៥ ដែលម្ចាស់អំណោយមានឈ្មោះដូចខាងក្រោម ១-លោកវ៉ាន់ ប៊ុនធឿន ឧបត្ថម្ភចំនួន១០ម៉ឺនរៀល, ចំណែកទឹកប្រាក់ចំនួន១៨០ដុល្លារ មានឈ្មោះ១-ព្រះតេជគុណម៉ម វិបុល គង់នៅវត្តបុទុមវតី រាជធានីភ្នំពេញ ២-ឈ្មោះចាប ចាន់ណា, ៣-ឈ្មោះ KERY iM ៤-ឈ្មោះ WADHANAK KEO ៥-ឈ្មោះAMPHONE Phounsavath និង៦-ឈ្មោះThong Soumphonephakdy ។
លោកយាយសំភូ និងចៅៗប្រុស-ស្រីទាំង៤នាក់ ត្រេកអរជាពន់ពេកមិននឹកស្មានថា មានសប្បុរស់ជនក្នុង និងក្រៅប្រទេសមានចិត្តសប្បុរសធម៌ផ្តល់ក្តីមេត្តាដល់លោកយាយ ដែលមានជំងឺប្រចាំកាយ និងចៅៗកំព្រាប្រុស-ស្រីទាំង៤នាក់ កំពុងខ្វះខាតស្បៀងអាហារនិងសម្ភាសិក្ស ដូច្នេះលោកយាយ និងចៅៗពុំមានអ្វីតបស្នងសងគុណដល់សប្បុរស់ជនជាម្ចាស់ទានឡើយ គឺមានតែម្រាមដៃដប់លើកសំពះដល់គុណព្រះពុទ្ធគុណព្រះធម៌ គុណព្រះសង្ឃ និងសំពះអស់ទេវតាឥន្ទ្រព្រហ្ម និងវត្ថុស័ក្តិសិទ្ធក្នុងលោក សូមឱ្យជួបនូវពុទ្ធពរទាំងបួនប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។
ចែករំលែកព័តមាននេះ