ខេត្តកំពង់ចាម ៖ គ្រាន់តែរឿងក្មេងៗឈ្លោះគ្នាបន្តិចបន្តួចសោះ បែរជាបុរសម្នាក់ឈ្មោះហួង ប៊ុនថេន អាយុ៣៣ឆ្នាំ រស់នៅភូមិព្រែកសង្កែកើត ឃុំពាមកោះស្នា ស្រុកស្ទឹងត្រង់ បានប្រើចំណងខ្សែគោចាប់រឹត.កក្មេងប្រុសអាយុ៧ឆ្នាំម្នាក់
ខេត្តកំពង់ចាម ៖ គ្រាន់តែរឿងក្មេងៗឈ្លោះគ្នាបន្តិចបន្តួចសោះ បែរជាបុរសម្នាក់ឈ្មោះហួង ប៊ុនថេន អាយុ៣៣ឆ្នាំ រស់នៅភូមិព្រែកសង្កែកើត ឃុំពាមកោះស្នា ស្រុកស្ទឹងត្រង់ បានប្រើចំណងខ្សែគោចាប់រឹត.កក្មេងប្រុសអាយុ៧ឆ្នាំម្នាក់ពន្លិចទៅក្នុងទឹកព្រែកក្រោយភូមិចម្ងាយប្រហែល២០០ម៉ែត្រ បណ្តាលឱ្យឈ្លក់ស្លាប់យ៉ាងអណោចអាធ័មបំផុត ។
សពក្មេងប្រុសរងគ្រោះត្រូវគេប្រទះឃើញកាលពីវេលាម៉ោង៤ និង៤០នាទីរសៀលថ្ងៃទី២៧ មីនា ២០១៥ ហើយត្រូវបានកម្លាំងនគរបាលបច្ចេកទេសចុះទៅពិនិត្យផងដែរ ។
ប្រភពពីនគរបាលស្រុកស្ទឹងត្រង់ប្រាប់ឱ្យដឹងថា នៅពេលមុនកើតហេតុ ២ ទៅ៣ថ្ងៃ មុនក្មេងប្រុសដែលស្លាប់ឈ្មោះគង់ ពិសិដ្ឋ អាយុ៧ឆ្នាំ រស់នៅភូមិ-ឃុំកើតហេតុខាងលើ បានឈ្លោះជាមួយនឹងក្មេងប្រុសម្នាក់ទៀត ត្រូវជាក្មួយរបស់ជនសង្ស័យឈ្មោះប៊ុន ថេន លុះនៅវេលាម៉ោងប្រហែលជា១រសៀលថ្ងៃទី២៧មីនា ក្មេងដែលស្លាប់បានដើរទៅខាងក្រោយផ្ទះជាមួយនឹងក្មួយរបស់ជនសង្ស័យ ព្រមទាំងជននេះ (ឃាតករ) ស្រាប់តែចាប់ក្មេងប្រុសនេះយកខ្សែគោរឹត.កចាប់ជ្រមុចក្នុងទឹកព្រែក បណ្តាលឱ្យឈ្លក់ទឹកស្លាប់ ។
លុះនៅវេលាម៉ោងជិត៥ល្ងាចថ្ងៃដដែល ត្រូវបានប្រជាពលរដ្ឋប្រទះឃើញចៃដន្យ ក៏រាយការណ៍ទៅប៉ុស្តិ៍រដ្ឋបាលឃុំពាមកោះ
ស្នារ ។
នៅចំពោះមុខសមត្ថកិច្ច ជនសង្ស័យបានឆ្លើយសារភាពថា មូលហេតុដែលរូបគេលើកដៃសម្លាប់ក្មេងនោះ ដោយសារតែខឹងក្មេងនេះឈ្លោះជាមួយនឹងក្មួយប្រុសរបស់គេ ហើយនៅរសៀលថ្ងៃទី២៧ មីនា ២០១៥ ពេលដែលដើរចេញទៅខាងក្រោយផ្ទះ ក្មេងឈ្មោះពិសិដ្ឋ បានទាត់ក្មួយរបស់គេត្រូវ១ជើងទៀត ហេតុតែខឹងពេក ក៏បានចាប់ក្មេងនោះចងនឹងខ្សែគោរឹត.កចាប់ជ្រមុជទឹកព្រែករហូតដល់ស្លាប់ ទើបរូបគេត្រឡប់មកផ្ទះវិញ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ