រាជធានីភ្នំពេញ ៖ តារាភាពយន្តហុងកុងចំនួន៣រូប នឹងមានវត្តមាននៅក្នុងប្រទេសកម្ពុជា ក្រោមការរៀបចំពីស្ថានីយទូរទស្សន៍ខ្សែកាប PPCTV ដោយតារាទាំង៣រូបនោះនឹងចូលរួមធ្វើសន្និសីទសារព័ត៌មាននៅក្នុងភោជនីយដ្ឋានហាយធី Hi Tea វេលាម៉ោង២រសៀល ស្ថិតនៅតាមបណ្តោយផ្លូវព្រះមុនីវង្ស។
តារាល្បីល្បាញរបស់ហុងកុងទាំង៣ដួង មានលោក Ruco Chan កញ្ញា Kate Tsui និងកញ្ញា Mandy Wong ។ តាមគំរោងការមកកម្ពុជា លើកទី១ នេះ ដើម្បីផ្សព្វផ្សាយបណ្តាខ្សែភាពយន្តមួយចំនួនរបស់ពួកគេដែលបានថតចប់ និងត្រៀមបញ្ចាងជាបន្តបន្ទាប់ក្នុងឆ្នាំ២០១៥ នេះ ។ នេះជាលើកទី១ ដែលពួកគេទាំង៣ចង់មកជួបផ្ទាល់ដល់អ្នកគាំទ្រនៅកម្ពុជា ដោពួកគេដឹងថា នៅប្រទេសកម្ពុជា ជាតំបន់ប្រវត្តិសាស្ត្រ និងមានតំបន់មួយចំនួនទៀតជាតំបន់ទេសចរណ៍ ។ គោលដៅមកផ្សព្វផ្សាយរឿងដែលមានបន្តបន្ទាប់គ្នាឆ្នាំ២០១៥ នេះ ក្នុងថ្ងៃទី២៨ មីនា ២០១៥ ហើយនៅថ្ងៃទី២៩ មីនា ២០១៥ ពួកគេនឹងជួបផ្ទាល់ដល់ទស្សនិកជនដែលគាំទ្រក្រុមគាត់នៅឯកោះពេជ្រ ។ ដូចនេះប្រិយមិត្តដែលស្គាល់ និងរង់ចាំវត្តមានតារាទាំង៣រូបនេះ សូមអញ្ជើញទៅជួបពួកគាត់ផ្ទាល់នៅសាលមហោស្រពកោះពេជ្រ នាថ្ងៃទី២៩ មីនា ២០១៥ ។
ចែករំលែកព័តមាននេះ