រថភ្លើង2បុកគ្នានៅថៃរបួសជាង40នាក់
សារព័ត៌មានក្នុងស្រុករាយការណ៍ថា មនុស្សជាង៤០នាក់ត្រូវរបួសកាលពីយប់ថ្ងៃទី២៦ មីនា ដោយសាររថភ្លើង២បុកគ្នានៅខេត្តអាយុធ្យា ភាគកណ្តាលប្រទេសថៃ ។
សារព័ត៌មានក្នុងស្រុករាយការណ៍ថា មនុស្សជាង៤០នាក់ត្រូវរបួសកាលពីយប់ថ្ងៃទី២៦ មីនា ដោយសាររថភ្លើង២បុកគ្នានៅខេត្តអាយុធ្យា ភាគកណ្តាលប្រទេសថៃ ។
យោងតាមកាសែតថៃរ៉ាត់ថា នាវេលាម៉ោងប្រមាណជា២២ម៉ោងក្នុងស្រុក រថភ្លើងរត់រវាងក្រុងបាងកក ណុងខៃ និងរថភ្លើងរត់រវាងក្រុងបាងកក-PHRAE បានបុកគ្នានៅជិតស្ថានីយមួយនៃស្រុកប៉ាជី ខេត្តអាយុធ្យា ។ ក្នុងចំណោមអ្នករបួសក្នុងនោះ៤នាក់ស្ថិតក្នុងស្ថានភាពធ្ងន់ធ្ងរ ត្រូវបានបញ្ជូនទៅកាន់មន្ទីរពេទ្យ ។ អ្នកដំណើរមួយចំនួនជាប់ក្នុងរថភ្លើងហើយត្រូវពួកអ្នកជួយសង្គ្រោះនាំចេញ ។ មនុស្សយ៉ាងតិច១៥០នាក់ ជិះក្នុងរថភ្លើងទាំង២ភាគច្រើនជាជនជាតិថៃ ហើយក៏មានជនបរទេសទាំងឡាយដែរ ។
នេះជាគ្រោះថ្នាក់រថភ្លើងលើកទី៣ហើយនៅថៃរយៈពេលតែ១សប្តាហ៍ ។ មុននេះគឺនាថ្ងៃទី២៦ មីនាដែរ រថយន្តកាំមឺញ៉ុងធុនតូច១គ្រឿង បានបុករថភ្លើងមួយនៅខេត្តត្រាតភាគខាងត្បូងប្រទេស ។ អ្នកបើករថយន្តត្រូវរបួសសន្លប់ ដោយជើងទាំង២របស់គេត្រូវបាក់ ។ រួចកាលពីថ្ងៃទី២៤ មីនា អ្នកបើករថយន្តកាំមឺញ៉ុងធុនតូចមួយទៀតត្រូវរបួសនៅខេត្តត្រាតពេលរថយន្តរបស់គេត្រូវរថភ្លើងមួយបុក ៕
ចែករំលែកព័តមាននេះ