ខេត្តកណ្តាល ៖ កុមារាម្នាក់លង់ទឹកស្រះស្លា.ប់យ៉ាងអាណោចអាធ័ម ខណៈឪពុកម្តាយទៅស៊ីឈ្នួលធ្វើចម្ការឱ្យគេ ហើយផ្ញើកូនទៅនៅជាមួយអ្នកជិតខាង បង្កឱ្យភ្ញាក់ផ្អើលកាលពីវេលាម៉ោង៥ និង២០នាទីល្ងាចថ្ងៃទី២៦ មីនា ២០១៥ ស្ថិតនៅត្រង់ចំណុចស្រះទឹកក្នុង
ខេត្តកណ្តាល ៖ កុមារាម្នាក់លង់ទឹកស្រះស្លាប់យ៉ាងអាណោចអាធ័ម ខណៈឪពុកម្តាយទៅស៊ីឈ្នួលធ្វើចម្ការឱ្យគេ ហើយផ្ញើកូនទៅនៅជាមួយអ្នកជិតខាង បង្កឱ្យភ្ញាក់ផ្អើលកាលពីវេលាម៉ោង៥ និង២០នាទីល្ងាចថ្ងៃទី២៦ មីនា ២០១៥ ស្ថិតនៅត្រង់ចំណុចស្រះទឹកក្នុងដីឡូត៍មួយកន្លែងក្នុងភូមិស្តៅកន្លែង៥ ឃុំដីឥដ្ឋ ស្រុកកៀនស្វាយ ខេត្តកណ្តាល ។
ប្រភពបានឱ្យដឹងថា កុមាររងគ្រោះឈ្មោះគា វន្ថេ អាយុ៥ឆ្នាំ មានឪពុកឈ្មោះផន គា អាយុ៤៥ឆ្នាំ ជាកសិករ និងម្តាយឈ្មោះឈិត ធាន អាយុ៣៨ឆ្នាំ ជាកសិករ មានទីលំនៅក្នុងភូមិ-ឃុំកើតហេតុខាងលើ ។
បើតាមរបាយការណ៍របស់សមត្ថកិច្ចមូលដ្ឋានបានឱ្យដឹងថា គ្រួសារខាងលើមានជីវភាពក្រីក្របាននាំគ្នាទៅស៊ីឈ្នួលធ្វើការចម្ការឱ្យគេ ដែលមានចម្ងាយពីភូមិប្រហែលជិត១គីឡូម៉ែត្ររយៈពេល១ឆ្នាំមកហើយ ។ ប្រភពបន្តថា នៅមុនពេលកើតហេតុ ប្តី-ប្រពន្ធ២នាក់នេះជាប់រវល់ធ្វើការឱ្យគេ លុះដល់ម៉ោងសម្រាកក៏ដើរទៅរកកូនក៏បាត់ ហើយបាននាំគ្នាដើររកនៅតែអត់ឃើញ ក្រោយយមកមានការសង្ស័យស្រះទឹកនៅជិតនោះក៏នាំគ្នាចុះទៅរាវ ទើបប្រទះឃើញកូនលង់ទឹកលិចស្លាប់ទៅហើយ ដែលស្រះនោះមានជម្រៅ៣ម៉ែត្រ។
ចែករំលែកព័តមាននេះ