រាជធានីភ្នំពេញ៖ បុរសមានវ័យជាង២០ឆ្នាំម្នាក់បានបាត់ជីវិតភ្លាមៗ ដោយសារតែរថយន្តកុងទីន័រក្រុមហ៊ុនតេងឡាយកិនកាលពីវេលាម៉ោង៨និង៣៥នាទីយប់ ថ្ងៃទី២៦ ខែមិនា ឆ្នាំ២០១៥ នៅតាមបណ្តោយផ្លូវជាតិលេខ៣ ត្រង់ចំណុចភូមិក្រាំងពង្រ សង្កាត់ពងទឹក ខណ្ឌដង្កោ ។
ជនរងគ្រោះខាងលើមានឈ្មោះទ្រី សេងលី អាយុ២៧ឆ្នាំ និងមាន ស្រុកកំណើតនៅស្រុកកណ្តាលស្ទឹង ខេត្តកណ្តាល ។
ប្រភពព័ត៌មានពីកន្លែងកើតហេតុបានឲ្យដឹងថាមុនពេលកើតហេតុជនរងគ្រោះបានបើកម៉ូតូហុងដាសេ១២៥ពីត្បូងទៅជើង តាមបណ្តោយផ្លូវជាតិក្នុងល្បឿនគួរសមនិងបានវ៉ារថយន្ត១គ្រឿង ដែលធ្វើដំណើរស្របទិសគ្នា ក៏ទៅវាក់អើនិងបុកចំក្បាលរថយន្តកុងទីន័រក្រុមហ៊ុនតេងឡាយដែលកំពុងធ្វើដំណើរបញ្ច្រាស់ទិសគ្នា ហើយក៍ត្រូវរថយន្តកិនពីលើស្លាប់តែម្តង ៕
ចែករំលែកព័តមាននេះ