ខេត្តព្រះវិហារ ៖ កាលពីវេលាព្រឹកថ្ងៃទី២៦ មីនា ២០១៥ លោកសំ ប្រជាមានិត អគ្គលេខាធិការឧត្តមក្រុមប្រឹក្សានៃអង្គចៅក្រមតំណាងដ៏ខ្ពង់ខ្ពស់លោកអង្គ វង្សវឌ្ឍនា រដ្ឋមន្ត្រីក្រសួងយុត្តិធម៌ និងលោកស្រី រួមនិងក្រុមការងារ និងលោកលី លន់ ព្រះរាជអាជ្ញាអម
ខេត្តព្រះវិហារ ៖ កាលពីវេលាព្រឹកថ្ងៃទី២៦ មីនា ២០១៥ លោកសំ ប្រជាមានិត អគ្គលេខាធិការឧត្តមក្រុមប្រឹក្សានៃអង្គចៅក្រមតំណាងដ៏ខ្ពង់ខ្ពស់លោកអង្គ វង្សវឌ្ឍនា រដ្ឋមន្ត្រីក្រសួងយុត្តិធម៌ និងលោកស្រី រួមនិងក្រុមការងារ និងលោកលី លន់ ព្រះរាជអាជ្ញាអមសាលាដំបូងខេត្ត លោកឡុង ស៊ីថា ព្រះរាជអាជ្ញារង និងប្រតិភូសាលាដំបូង បាននាំយកថវិកាផ្ទាល់ខ្លួនទៅប្រគល់ជូនលោកនូ វ៉េង អតីតអនុប្រធានតុលាការខេត្តព្រះវិហារ និងខេត្តមណ្ឌលគិរី ដែលធ្លាក់ខ្លួនឈឺដេកលើកន្ទេលនៅមួយកន្លែង និងមានជីវភាពពខ្សត់ខ្សោយ កំពុងសម្រាកព្យាបាលនៅគេហដ្ឋាន ស្ថិតនៅភូមិអណ្តូងពោធិ៍ សង្កាត់កំពង់ប្រណាក ក្រុងព្រះវិហារ ខេត្តព្រះវិហារ ។
នៅក្នុងពិធីប្រគល់ថវិកាផ្ទាល់ លោកអង្គ វង្សវឌ្ឍនា រដ្ឋមន្ត្រីក្រសួងយុត្តិធម៌តាមរយៈលោកសំ ប្រជាមានិត បានធ្វើការផ្តាំផ្ញើ និងសាកសួរសុខទុក្ខពីសំណាក់លោករដ្ឋមន្ត្រីក្រសួងយុត្តិធម៌ មានការនឹករលឹកជាខ្លាំង ដែលពេញមួយជីវិតរបស់លោកនូ វ៉េង លះបង់អស់កម្លាំងកាយចិត្ត ដើម្បីប្រជាជនសង្គម និងប្រទេសជាតិ ជាពិសេសបម្រើលើផ្នែកប្រព័ន្ធយុត្តិធម៌មួយនេះ ឱ្យមានតម្លាភាព។
លោកសំ ប្រជាមានិត តំណាងលោករដ្ឋមន្ត្រីបានបន្តថា បើទោះបីលោករដ្ឋមន្ត្រីមិនបានមកផ្ទាល់ដោយសារមានធុរៈចាំបាច់ក្នុងការងារ ទើបលោករដ្ឋមន្ត្រីបានចាត់តាំងឱ្យតំណាង និងក្រុមការងារចុះមកដល់គេហដ្ឋាន ដើម្បីប្រគល់ថវិកាជូនលោកនូ វ៉េង ដែលកំពុងសម្រាកព្យាបាល ។
លោកអគ្គលេខាឧត្តមក្រុមប្រឹក្សាបានបន្តថា លោករដ្ឋមន្ត្រីក្រសួងយុត្តធម៌តែងតែកោតសរសើរនូវស្នាដៃក្នុងការបំពេញការងារលោកនូ វ៉េង ក្នុងនាមជាចៅក្រម និងជាអនុប្រធានតុលាការខេត្ត ដែលលោកធ្លាប់បានបំពេញការងារនៅខេត្តព្រះវិហារ និងមណ្ឌលគិរីនាពេលកន្លងមកបានយ៉ាងល្អ ។ នៅក្នុងពិធីប្រគល់ថវិកា លោករដ្ឋមន្ត្រីក្រសួងយុត្តិធម៌ និងលោកស្រីដល់លោកនូ វ៉េង
ដល់គេហដ្ឋានមានចំនួន១០.៦០០.០០០រៀល ក្នុងនោះសមាជិកឧត្តមក្រុមប្រឹក្សានៃអង្គចៅក្រម១លានរៀល សាលាដំបូងខេត្តព្រះវិហារ៩៦ម៉ឺនរៀល និងលោកមាស សុភ័ក្ត្រ ព្រះរាជអាជ្ញាខេត្តព្រៃវែងចំនួន២០ម៉ឺនរៀល រួមទាំងថវិការបស់អតីតសិស្សចៅក្រមជំនាន់ទី៤ ចំនួន១លានរៀល លោកស្រី សំ សុខន ភរិយាលោកនូ វ៉េង បានលើកដៃសំពះ និងថ្លែងអំណរអរគុណយ៉ាងជ្រាលជ្រៅដល់លោករដ្ឋមន្ត្រីក្រសួងយុត្តិធម៌ និងលោកស្រី រួមនឹងមន្ត្រីចំណុះក្រសួងយុត្តិធម៌ទាំងអស់ជួបតែសេចក្តីសុខក្នុងឱកាសពិធីបុណ្យចូលឆ្នាំថ្មីប្រពៃណីខ្មែរខាងមុខ ជួបតែសំណាងល្អ ៕
ចែករំលែកព័តមាននេះ